Monday , 4 March 2024
Home Habari Mchanganyiko WhatsApp ilivyotumika kuvujisha mtihani
Habari Mchanganyiko

WhatsApp ilivyotumika kuvujisha mtihani

Whatsapp
Spread the love

BARAZA la Mitihani la Taifa (NECTA) limewasimamisha kazi maafisa elimu, maafisa taaluma, waratibu wa elimu na wakuu wa shule za msingi  wa Wilaya ya Chemba na Kondoa kwa tuhuma za kuvujisha mtihani wa kumaliza elimu ya msingi wa mwaka 2018 uliofanyika Septemba 5 hadi 6 mwaka huu. Anaripoti Regina Kelvin … (endelea).

Akizungumza na wanahabari leo jijini Dar es Salaam, Katibu Mtendaji NECTA, Dk. Charles Msonde amedai kuwa, watuhumiwa hao kwa makusudi walifanya udanganyifu wa mtihani huo kwa kuunda kundi la siri la Whatsapp ambalo walilitumia kusambaza mtihani huo kwa lengo la kupandisha ufaulu wa shule za Halmahsuri ya Chemba .

Akieleze kuhusu tukio hilo, Dk. Msonde amedai kuwa, uongozi wa elimu Halmashauri ya Chemba kwa kushirikiana na waratibu wa elimu kata na wakuu wa shule waliufungua mtihani huo siku moja kabla ya terehe iliyopangwa kufanyika, ambapo waalimu hao walifanya kazi ya kukokotoa majibu yake kisha kusambaza kwa wakuu wa shule ambao walifikisha majibu hayo kwa watahiniwa.

“Tukio la halmashauri ya Chemba mkoani Dodoma, uongozi wa idara ya elimu  wa halmashauri hiyo ulipanga kwa makusudi kufanya udanganyifu wa mitihani hii ya kumaliza elimu ya msingi, viongozi walipanga kwa kushirikiana na waratibu wa elimu kata na wakuu wa shule, na ili kufanikisha azma hiyo, kamati ya mitihani ya mkoa wa Dodoma pamoja na uchunguzi wa NACTE ulibaini pasina shaka waliunda makundi ya whatsap yaliyowashirikisha uongozi wa elimu na waratinu wa elimu wakayafunga kwa siri ili wawe na mawasiliano miongoni mwao ya uhakika na haraka,” amesema na kuongeza.

“Mtihani ulipofika kwao siku moja kabla ya mtihani kufanyika tarehe 4 Septemba 2018  mitihani ilifunguliwa na kusambazwa katika makundi hayo, kwa minajili ya kukokotolewa na kupatiwa majawabu na kuwafikishia wakuu wa shule ili wapewe watahiniwa na kupandisha ufaulu wa halmashauri yao.Viongozi hawa walikuwa wakitoa maelekezo kwa waratibu namna ya kutekeleza waliyopanga waweze kufanikisha azma hiyo.”

Dk. Msonde aliwataja vinara wa mpango huo, akiwemo Kaimu Afisa Elimu Msingi wa Halmashauri ya Chemba, Modest Tarimo akisaidiwa kwa karibu na Afisa Taaluma wa Elimu Msingi wa halmshauri hiyo, Ally Akida pamoja na kiongozi aliyepewa jukumu la kutunza makundi ya whatsap ambaye ni Mratibu wa Elimu Kata wa Farkwa, Deo Phillip alishirikiana na baadhi ya wakuu wa shule.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

TEF yaomboleza kifo cha Mzee Mwinyi

Spread the loveJukwaa la Wahariri Tanzania (TEF) limeeleza kupokea kwa masikitiko taarifa...

AfyaHabari Mchanganyiko

Maambukizi ya UKIMWI Lindi yapungua

Spread the loveMaambukizi ya Virusi vya UKIMWI yamepungua katika Manispaa ya Mkoa...

Habari MchanganyikoHabari za Siasa

Mgomo kitita kipya cha NHIF: Serikali yaita hopsitali binafsi mezani

Spread the loveSERIKALI imekiita mezani Chama cha Wenye Hospitali Binafsi (APHFTA), ili...

Habari Mchanganyiko

Karafuu, Parachichi yawa fursa Morogoro

Spread the loveIMEELEZWA kuwa zao la karafuu ambalo kwa sasa linalimwa pia...

error: Content is protected !!