Waziri Masauni kada wa 17 kuchukua fomu CCM Z’bar

HAMAD Masauni, Naibu Waziri wa Mambo ya Ndani ya Nchi leo tarehe 22 Juni 2020, amejitokeza kuchukua fomu kuomba kuteuliwa na Chama Cha Mapinduzi (CCM) visiwani Zanzibar kugombea urais. Anaripoti Mwandishi Wetu, Zanzibar … (endelea).

Kada huyo na waziri alijitokeza katika ofisi kuu za CCM zilizopo Kisiwandui mjini Zanzibar.

Masauni anafanya idadi ya makada wa chama hicho waliojitokeza kuomba kuteuliwa visiwani humo kufika 17. Miongoni mwa waliojitokeza mpaka sasa ni Shamsi Vuai Nahodha, Waziri Kiongozi Mstaafu wa Zanzibar; Hussein Ali Mwinyi, Waziri wa Ulinzi.

Wengine ni Balozi Ali Karume, mtoto wa Rais wa Kwanza wa Zanzibar marehemu Sheikh Abeid Aman Karume: Jecha Salim Jecha, aliyekuwa mwenyekiti wa Tume ya Uchaguzi Zanzibar (ZEC), Mbwana Bakari Juma, Mbwana Yahya Mwinyi na Omar Sheha Mussa.