Monday , 22 April 2024
Home Gazeti Habari za Siasa Wananchi watoa ya moyoni bajeti 2019/20
Habari za SiasaTangulizi

Wananchi watoa ya moyoni bajeti 2019/20

Bajeti mwaka 2019
Spread the love

BAADHI ya wananchi waliotoa maoni kuhusu mapendekezo ya Bajeti kwa Mwaka wa Fedha 2019/20 mkoani Kagera na Dodoma, wamekuwa na maoni tofauti. Anaripoti Mwandishi Wetu … (endelea).

Julius Kato, Mkazi wa Manispaa ya Bukoba leo tarehe 14 Juni 2019 amesema, bado kuna mambo ambayo yanakuwa mzigo mkubwa kwa wananchi, kwa kuwa vitu vingi vimekuwa vile vile na kodi ni zile zile hivyo hakuna unafuu wowote.

Amesema, kama serikali ikitaka kuweka vizuri suala la bajeti, iangalie kwa haraka masuala ambayo yanamlenga mwanachi wa kawaida na wa chini huku akisisitiza kuwa, bajeti hii ni kama ya wafanya biashara tu.

Eustace Kazimoto, Mkazi wa Kata ya Kalabagaine, Bukoba vijijini amesema kuwa, watu wa vijijini wamekuwa na ugumu kuielewa bajeti na ndio maana kila mara wanashtukia vitu vimepanda bei.

Emiliana Kaiza, Mkazi wa Kashai na mfanyabiashara Manispaa ya Bukoba amesema kuwa, bajeti ni nzuri kwani kuna mambo mengi yatakuwa nafuu kwa wafanyabishara hivyo yatawafanya wafanye kazi kwa uraisi, bila kusumbuliwa na watalipa kodi kwa wakati, bila tatizo.

Wakazi wa Dodoma, Rachel Chibwete na Jamila Badweli kwa pamoja wamesema kuwa, kiwango cha kodi ya katika nywele bandia ni kidogo na kilitakiwa kuongezwa.

Naye Dastani Ngonyanyi ambaye ni mwanafunzi wa Chuo cha Uunguzi Milembe amesema kuwa, kitendo cha kuongeza kodi katika nywele za bandia ni kuwanyima uwezo akina dada kujipamba.

Dar es Salaam, Alex Justin wa Kinondoni jijini Dar es Salaam amesema kuwa, hajui chochote kuhusu bajeti hiyo iliyosomwa jana nchini.

“Sijajua chochote, mie sikufuatilia jana kwa kuwa nilikuwa na mambo yangu mwenyewe,” amesema.

Salma Ramadhan wa Sinza, Ubungo amesema kuwa, kikubwa alichokielewa kwenye bajeti hiyo, ni serikali kujaribu kujenga mazingira mazuri kwa wafanyabiashara huku wafanyakazi wakiwekwa kando.

“Serikali imeangalia namna ya kuwabeba wafanyabiashara kwenye bajeti hii, hiki ni kitu kizuri,” amesema.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

NMB yadhamini Mkutano Mkuu ALAT, kufunguliwa na Samia

Spread the loveBENKI ya NMB, imekabidhi hundi yenye thamani ya Sh. 120...

Habari MchanganyikoHabari za Siasa

Mipango na uwekezaji kutumia bilioni 121.3, mradi wa Bagamoyo wapewa kipaumbele

Spread the loveWIZARA ya Ofisi ya Rais, Mipango na Uwekezaji, imeliomba Bunge...

Habari MchanganyikoHabari za Siasa

Mbunge ataka kasi uzalishaji walimu ipunguzwe akidai hakuna ajira

Spread the loveMBUNGE wa Mlalo (CCM), Rashid Shangazi, ameishauri Serikali ipunguze kasi...

ElimuHabari za Siasa

MbungeCCM ataka kasi uzalishaji walimu ipunguzwe akidai hakuna ajira

Spread the love  MBUNGE wa Mlalo (CCM), Rashid Shangazi, ameishauri Serikali ipunguze...

error: Content is protected !!