Saturday , 13 April 2024
Home Habari Mchanganyiko Wakili apambana kortini kumuokoa Yusuph  Manji 
Habari Mchanganyiko

Wakili apambana kortini kumuokoa Yusuph  Manji 

Yusuph Manji, akizungumza na Wakili wake Hudson Ndusyepo
Spread the love

MAHAKAMA ya Hakimu Mkazi Kisutu jijini Dar es Salaam leo imesikiliza ushahidi wa upande wa serikali kwenye kesi ya matumizi ya dawa za kulevya aina ya Heroine inayomkabili mfanyabiashara, Yusuph Manji, anaandika Hamisi Mguta.

Ushahidi huo umetolewa mchana huu mbele ya Hakimu Mkazi Mfawidhi Cyprian Mkeha, ambapo shahidi namba moja wa upande wa serikali, Ramadhani Kingai ameiambia mahakama kuwa februali 9, mwaka 2017 akiwa ofisi ya mkuu wa upelelezi kanda ya Dar es Salaam alimpokea mtuhumiwa Manji.

Shahidi huyo ameiambia mahakama kuwa aliagiza mtuhumiwa huyo kupelekwa kwa mkemia mkuu wa serikali kwa ajili ya vipimo kwa kuwa alituhumiwa kuhusika na matumizi ya dawa za kulevya pamoja na uuzaji.

Haya ni mahojiano kati ya Wakili wa mtuhumiwa na ofisa wa polisi.

Wakili wa Manji Hudson Ndusyepo: Je  matokeo ya vipimo kutoka kwa mkemia yalionesha Manji anatumia dawa za kulevya aina gani?

Ofisa wa polisi: Dawa za kulevya aina ya Benzodiazepine.

Wakili : Ukiwa kama mkuu wa upelelezi na timu yako mnajua Manji anashtakiwa kwa kosa gani?

Ofisa wa polisi : Ndio kwa kosa la kutumia dawa za kulevya aina ya heroine.

Wakili : Matokeo yaliyokutwa kwenye uchunguzi na ya yaliyopo kwenye mashitaka yana uhusiano wowote?

Ofisa wa polisi :  Mimi siyo mtaalam wa madawa suala hilo linaweza kuelezwa na mtaalam wa madawa ya kulevya.

Wakili : Mlimueleza mtuhumiwa Manji kwamba mnakwenda kumpima mkojo na alijibu nini?

Ofisa wa polisi : Tulimueleza na akakubali kwenda kupimwa.

Wakili: Kama angekataa nini kingefuata?

Ofisa Polisi : Mimi siwezi kujua lakini ninachojua  ni kwamba alielezwa na akakubali kwenda kufanya vipimo.

Shahidi namba mbili wa upande wa mashitaka katika kesi hiyo ni E.1125, Detective Copro, Sospeter.

Shahidi huyo wa pili ameiambia mahakama kuwa februari 9, mwaka huu aliagizwa kumpeleka Manji kwa  mkemia mkuu wa serikali kwa ajili ya kufanyiwa uchunguzi kwa sababu alihusishwa na kutumia dawa za kulevya.

Wakili: Maagizo ya kumpeleka Manji kwa mkemia mkuu ulipewa na nani?
Shahidi namba mbili: Nilipewa na kaimu mkuu wa upelelezi, Ramadhani Kingai.

Wakili: Kwa sababu gani?

Shahidi namba mbili : Kwa sababu alihusishwa na kutumia dawa za kulevya.

Wakili : Kabla haujampeleka Manji kumpima ulimueleza ni nini unataka kukifanya?

Shahidi namba mbili : Ndio nilimueleza kwamba tunakwenda kwa mkemia mkuu kufanya vipimo vya mkojo na akakubali.

Wakili: Kabla haujampeleka kwa mkemia mkuu Manji alikaa kwa muda gani kituoni?

Shahidi namba mbili : Mimi sijui, nilichokifabya ni kumpeleka kwa mkemia tu, yaliyofanyika nyuma mimi sifahamu.

Wakili wa upande wa serikali ni Timony Vitalis na shauri hilo litanedelea kesho saa 3 asubuhi mahakamani hapo, na Manji alirudishwa rumande.

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

Askofu ataka mafisadi, wauza mihadarati washughulikiwe kumuenzi Sokoine

Spread the love  MHASHAMU Askofu Mkuu wa Jimbo Kuu Katoliki Arusha, Isaac...

Habari MchanganyikoTangulizi

Mafuriko yaua 33 Morogoro, Pwani

Spread the love  SERIKALI ya Tanzania imetoa tathmini ya athari ya mafuriko...

Habari Mchanganyiko

Wanafunzi 7 wahofiwa kufariki gari la shule likitumbukia korongoni

Spread the love  WANAFUNZI saba wanahofiwa kupoteza maisha, huku watatu wakinusurika katika...

Habari Mchanganyiko

Wazazi, walezi watakiwa kuwa karibu na watoto wao

Spread the love  WAZAZI na walezi wameagizwa kuwalea watoto wao katika maadili...

error: Content is protected !!