Wabunge wa Bunge la Afrika Mashariki (EALA) waapishwa rasmi

Mwandishi WetuDecember 20, 20221 Mins read1.1k Views

Spread the love

WABUNGE wa Bunge la Tano la Jumuiya ya Afrika Mashariki (EALA) jana tarehe 18 Disemba, 2022 wameapa rasmi kuanza shughuli za Bunge hilo Jijini Arusha. Anaripoti Mwandishi Wetu … (endelea).

Katibu wa Bunge la Jumuiya ya Afrika Mashariki, Alex Obatre ameongoza zoezi la kuwaapisha wabunge wapya kutoka Nchi Wanachama saba ambazo ni Tanzania, Burundi, Kenya, Uganda, Rwanda, Sudan Kusini, na Kongo DRC.

Wabunge wapya wa Bunge la Tano la Jumuiya ya Afrika Mashariki (EALA) kutoka Tanzania waliopa ni Angela Charles Kizigha, Nadra Juma Mohammed, Dk. Shogo Richard Mlozi, Dk. Abdullah Makame, Machano Ali Machano, Mashaka Khalfan Ngole, Ansar Abubakar Kachwamba, James Kinyasi Millya pamoja na Dk. Ngwaru Jumanne Maghembe.

Baada ya zoezi la kuapishwa kwa wabunge hao, Waziri wa Mambo ya Nje na ushirikiano wa Afrika Mashariki, Dk. Stergomena Tax ambaye pia ameapishwa kama Mjumbe wa Baraza la Maamuzi la Bunge la Afrika Mashariki (EALA) amesema kuwa matarajio ya Tanzania ni kuhakikisha kuwa inaendeleza Mtangamano wa Jumuiya ya Afrika Mashariki katika sekta za biashara na uchumi.

“Kama nchi lengo letu kuu ni kukuza na kuendeleza biashara ndani ya Jumuiya ya Afrika Mashariki, ni imani yetu kuwa wabunge hawa wapya watasimamia jambo hili ili kuweza kuingia kwenye soko kubwa zaidi na kuhakikisha kuwa Tanzania inajiimarisha zaidi kibiashara ndani ya Jumuiya,” alisema Dk. Tax.

Naye Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk ameapishwa kuwa Mjumbe wa Maamuzi wa Bunge la (EALA).

Septemba 22, 2022 wabunge tisa wanaoiwakilisha Tanzania katika Bunge la (EALA) walipatikana kufuatia uchaguzi uliofanywa na Wabunge la Jamhuri ya Muungano wa Tanzania baada ya wagombea kujieleza mbele ya wabunge hao Jijini Dodoma.

Aidha, shughuli itakayofuata siku ya Jumanne tarehe 20 Desemba 2022 ni uchaguzi wa Spika wa Bunge hilo pamoja na uchaguzi wa Tume ya Bunge hilo unaotarajiwa kufanyika tarehe 21 Desemba 2022.

Previous post NMB yaendelea kung’ara, yatwaa tuzo ya mwajiri bora Afrika

Next post Ukweli dhidi ya uongo: Pakistan lazima ikubali ukweli usiofurahisha kuhusu vita vya 1971

1 Comment

ADFA says:

March 30, 2023 at 10:07 am

Wapambania haki za Binadamu wamebuni Mbinu za Mwanamke kupata SIFA ZINAZOSTAHIZI KWA KUMWEKEA VIKWAZON VYA KILA MTU ANATAKIWA KUMUONA MWANAE ALIYEMZAA (MZEE/kabila ANATAKA URAIS KULE ULIKOENDA KUONA). MHE ULIKOOA KULE KUNA MTU ANATAKIWA KUGAWA NCHI YA TANZANIA KILA MKOA UWE NCHI.. … MHE. KULE ULIKOOA KUNA MTU ANAMAWAZO YA NYERERE TUMECHOKA

KAMA UNA MATOTO WA KIKE UNAJUA FURSA ULIONAYO KAMA MZAZI

KAMA UNA MTOTO WA KIUME UNAJUA FURSA ULIYONAYO USIMSAHAU BASH YUPO KULE