Viongozi Zanzibar wafurahia ujio wa chuo cha CBE

CHUO cha Elimu ya Biashara (CBE) kinatarajia kujenga majengo ya Chuo hicho katika eneo la Fumba Zanzibar ambapo ujenzi wake utagharimu Sh. Bilioni 10. Anaripoti Mwandishi Wetu, Zanzibar…(endelea)

Ujenzi huo unatarajiwa kuanza kwa mwaka wa  fedha unaonza Julai mosi 2022/2023.

Uongozi wa chuo hicho ukiongozwa na Mwenyekiti wa Bodi ya Uongozi ya Chuo, Profesa Wineaster Suria Anderson, upo Zanzibar na umekutana na Uongozi wa Mamlaka ya Uwekezaji Zanzibar (ZIPA).

Wametembelea na kuoneshwa  eneo hilo la ardhi lilipo Fumba kwa ajili ya kukamilisha taratibu za umiliki wa eneo.

Akitoa wasilisho kwa niaba ya Uongozi wa Chuo  kikao hicho cha pamoja, Mkurugenzi Mipango wa Chuo hicho Dkt. Japhet Mtaturu, alisema kwamba wanahitaji kuongeza fursa za biashara Zanzibar na kutengeneza mazingira ya kuchochea ukuaji wa uchumi na taalamu kupitia elimu, tafiti na ushauri wa kitaalamu katika maeneo ya kibiashara.

Alisema kutokana na kasi ya uchumi ni lazima kuwa na wataalamu wa biashara ambao watabobea na kuendeleza kasi hiyo na Zanzibar imejipanga kuwa na matukio bora ya kiuchumi hasa katika uchumi wa bluu na utalii.

“Sisi kama wataalamu tumejikita kuingia Zanzibar ili kuhakikisha tunaandaa watalamu watakaokuwa na maono makubwa na kasi iliyowekwa ya maendeleo kwa Zanzibar”alisema.

Alieleza kuwa kuazishwa kwa chuo hicho Zanzibar kuna tija katika tathimini ya kiuchumi na kitasaidia kuimarisha biashara za wajasiria mali.

Aliongeza kuwa  kuna watu wengi wamejiajiri katika sekta binafsi ambao wanafanya biashara mbalimbali lakini wanakwama kwa kukosa msaada wa kitaalamu hivyo kuazishwa chuo hicho kutasaidia kuinua sekta binafsi kwenye maeneeo ya wajasiriamali ili kukuza uchumi.

Mkurugenzi huyo alisema, pia chuo hicho kitachochea sekta ya utalii kupitia wageni kutoka Tanzania bara na nje ya nchi hasa ikizingatiwa kuwa chuo hicho kinaprogaram nzuri ya viwango na vipimo inayotolewa katika ukanda wa Afrika mashariki na kati na watu mbalimbali wanatoka nchi jirani kusoma katika chuo hicho.

“Kwa sababu Zanzibar ni mji ambao upo kitalii zaidi tunaamini kupitia program kama hizo tutatangaza utalii na kuinua uchumi wan chi.”alisema Dk Japhet.

Naye Mkurugenzi Mtendaji wa ZIPA, Sharif Ali Sharif alifurahishwa na uamuzi wa chuo hicho kujenga tawi lake Zanzibar ambapo watawarahisisha wananchi kupata elimu ya biashara.

Aliushauri uongoozi wa chuo hicho kujitangaza zaidi ili kupata wananchi kutoka nje ya nchi ambao pia watafika Zanzibar baada ya kujenga majengo yao na kutoa huduma.

Kwa upande wake, Mwenyekiti wa bodi ya chuo hicho, Profesa Wineaster Suria Anderson, alisema ni wakati mwafaka wa kuwa na tawi la chuo hicho Zanzibar kwa ajili ya kuendelea kutoa huduma ya biashara na ujasiria mali.

“CBE kuingia Zanzibar kutakua na tija kubwa hasa katika biashara ikizingatiwa kuwa tunautaalamu wa kutosha wa kutibu changamoto zinazowakumba wajasiria mali katika biashara zao,”alisema.

Mwenyekiti huyo aliipongeza serikali ya Zannzibar kwa kukipatia chuo eneo la ardhi kwa ajili ya ujenzi huo kwa lengo la kuleta maendeleo katika sekta ya elimu na biashara.