Monday , 30 January 2023
Home Gazeti Habari za Siasa UVCCM: Tunakwenda na Rais Samia 2025
Habari za Siasa

UVCCM: Tunakwenda na Rais Samia 2025

Katibu Mkuu wa UVCCM, Kenan Kihongosi
Spread the love

 

UMOJA wa Vijana wa Chama Cha Mapinduzi (UVCCM), umesema vijana wa chama hicho wamekubaliana kumuunga mkono Rais Samia Suluhu Hassan hadi 2030. Anaripoti Regina Mkonde, Dar es Salaam … (endelea).

Kauli hiyo imetolewa leo Jumamosi, tarehe 25 Septemba 2021 katika Uwanja wa Ndege wa Kimataifa wa Julius Nyerere, jijini Dar es Salaam na Katibu Mkuu wa UVCCM, Khenan Kihongosi, kwenye halfa ya kumpokea Rais Samia akitokea nchini Marekani kwa ziara ya kikazi.

“Sisi kama vijana wa UVCCM na vijana wote nchi nzima tunamuunga mkono na tumekubaliana kwamba kuanzia 2020 hadi 2025 na 2025 hadi 2030, tunakwenda na Rais Samia tena na tena, kuhakikisha anajenga nchi imara na umoja imara, vijana tuko pamoja naye,” amesema Kihongosi.

Licha ya kwamba Kihongosi hakutaja tukio maalum ambalo watakwenda na Rais Samia 2025 na 2030, katika miaka hiyo Tanzania inatarajia kufanya Uchaguzi Mkuu wa Rais, Wabunge na Madiwani.

Akizungumzia ziara ya Rais Samia nchini Marekani, Kihongosi amesema itakwenda kufungua fursa za kiuchumi.

“Ziara yake hii ya kwanza nje ya Afrika inakwenda kufungua fursa za kiuchumi, sababu tumeona ameshakutana na wafanyabiashara mbalimbali, alienda na ujumbe wa wafanyabishara wetu wameenda kujifunza, fursa ni kubwa wawekezaji wengi watakuja, vikwazo vilivyokuwepo vimeondolewa, kwa hiyo wafanyabaishara watakuja kuwekeza,” amesema Kihongosi.

1 Comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Chongolo asikitishwa na mradi wa Mil 900 kutoanza kutoa manufaa

Spread the loveKATIBU mkuu wa Chama Cha Mapinduzi (CCM) Taifa Daniel Chongolo...

Habari za Siasa

NCCR-mageuzi yawaangukia Polisi kupotea kwa kada wake

Spread the loveJESHI la Polisi nchini limeombwa kufanya uchunguzi wa kina utakaosaidia...

Habari za Siasa

Uamuzi kesi ya kupinga Bodi ya Wadhamini NCCR-Mageuzi kutolewa Februari 6

Spread the love  MAHAKAMA Kuu, Masjala Kuu ya Dar es Salaam, imepanga...

Habari za SiasaTangulizi

Lissu:Suluhu ya ugumu wa maisha ni Katiba Mpya

Spread the love  MAKAMU mwenyekiti wa Chama cha Demokrasia na Maendeleo-Chadema Bara,...

error: Content is protected !!