Monday , 27 May 2024
Home Habari Mchanganyiko Ulaya yafadhili kiwanja cha ndege Sumbawanga
Habari Mchanganyiko

Ulaya yafadhili kiwanja cha ndege Sumbawanga

Spread the love

 

SERIKALI ya Tanzania, imejikita katika kukamilisha ujenzi wa kiwanja cha ndege cha Sumbawanga kilichopo mkoani Rukwa. Anaripoti Nasra Bakari, DMC … (endelea).

Hayo yamesemwa leo Jumatano, tarehe 12 Mei 2021, bungeni jijini Dodoma na Naibu Waziri wa Ujenzi na Uchukuzi, Mwita Waitara, wakati akijibu swali la Mbunge wa Kalambo, Josephat Kandege.

“Je, mpango wa serikali wa ujenzi wa uwanja wa ndege eneo la Kisumba wilayani Kalambo, umefikia hatua gani kwa sasa?” ameuliza Kandege.

Waitara amesema, miongoni mwa viwanja vinne vilivyofanyiwa upembuzi yakinifu na usanifu wa kina na kupata ufadhili kutoka Benki ya Uwekezaji ya Ulaya (EIB), ni kiwanja cha ndege cha Sumbawanga, Rukwa.

Mwita Waitara, Naibu wa Waziri wa Ujenzi na Uchukuzi

Amesema, aidha serikali imekamilisha taratibu za kupata mkandarasi na kupewa idhini kutoka EIB, kinachosubiriwa ni kupata fedha baada ya taratibu za kimkataba kukamilika.

“Baada ya kukamilisha ujenzi wa viwanja vya ndege vya mikoa vilivyosalia ikiwemo Sumbawanga, serikali itaendelea na ujenzi wa viwanja vingine vidogo kwa hadhi ya airstrip ikiwa ni pamoja na kiwanja cha ndege cha Kalambo.

“Napenda kuwashauri wananchi wa Kalambo kutumia kiwanja cha ndege cha Sumbawanga mara ujenzi wake utakapokamilika,” amesema Waitara.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Kasekenya aipa Tanroads wiki kukarabati barabara Morogoro

Spread the loveNaibu Waziri wa Ujenzi, Mhandisi Godfrey Kasekenya ametoa wiki moja...

ElimuHabari Mchanganyiko

Rubani mtarajiwa Tusiime awashangaza wazazi

Spread the loveWAZAZI walioshiriki siku ya taaluma na maonyesho ya shule ya...

Habari Mchanganyiko

Wanne wadakwa kwa kusafirisha punda 46 nje ya nchi

Spread the loveJeshi la Polisi kikosi cha kupambana na kuzuia wizi wa...

Habari MchanganyikoHabari za Siasa

Rais Samia: Tutaendelea kupigania malengo ya afrika

Spread the loveRais wa Tanzania Samia Suluhu Hassan amesema dhamira ya Tanzania...

error: Content is protected !!