Monday , 4 March 2024
Home Habari Mchanganyiko Ujenzi soko la Sabasaba Morogoro wageuka kitendawili
Habari Mchanganyiko

Ujenzi soko la Sabasaba Morogoro wageuka kitendawili

Spread the love

HALMASHAURI  ya Manispaa ya Morogoro imeombwa kuweka wazi na kuanza mapema ujenzi wa soko kuu jipya la kisasa, anaandika Christina Haule.

Soko hilo lilivunjwa miaka minne iliyopita kwa ahadi ya kujengwa lingine la kisasa,lakini mpaka leo hakuna dalili ya ujenzi kuanza.

Mudhihiri Shoo ambaye ni diwani wa kata ya sabasaba alisema hayo jana wakati wa kikao cha kawaida cha baraza la madiwani wa halmashauri ya Manispaa ya Morogoro.

Shoo alisema soko hilo lilivunjwa  mwaka 2013 na ujenzi wake ulitarajiwa kuanza  mwishoni mwa mwaka 2013 jambo ambalo mpaka sasa halijafanyika.

Mstahiki Meya wa Halmashauri ya Manispaa ya Morogoro Pascal Kihanga alisema, ujenzi wa soko hilo umechelewa kutokana na kubadilika kwa michoro na kuongezeka kwa gharama za ujenzi na kwamba sasa unatarajia kuanza baada ya fedha kukamilika.

Kubadilika michoro hiyo sasa gharama za ujenzi zimeongezeka kutoka Sh bilioni  10  hadi Sh. bilioni  15  jambo lililofanya benki ya CRDB iliyokuwa na nia ya kuingia mkataba wa kuweka masharti magumu ambayo Manispaa ilishindwa.

Alisema, hali hiyo imesababisha Manispaa kuanza kufanya mazungumzo na benki ya TIB ambayo wamekubaliana kuwakopesha Sh. bilioni 15 kwa ajili ya ujenzi huo.

Aliyataja masharti ambayo wanapaswa kukamilisha kabla ya kupata mkopo kuwa ni pamoja na kuwa na mchoro sahihi wa soko, kuwa na gharama za ujenzi (BOQ), kukamilisha kibali toka Baraza la Usimamizi wa Mazingira Tanzania ( NEMC), kuwa na mpango kazi wa 2016/21, uthamini wa kiwanja na kibali kutoka TAMISEMI.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

TEF yaomboleza kifo cha Mzee Mwinyi

Spread the loveJukwaa la Wahariri Tanzania (TEF) limeeleza kupokea kwa masikitiko taarifa...

AfyaHabari Mchanganyiko

Maambukizi ya UKIMWI Lindi yapungua

Spread the loveMaambukizi ya Virusi vya UKIMWI yamepungua katika Manispaa ya Mkoa...

Habari MchanganyikoHabari za Siasa

Mgomo kitita kipya cha NHIF: Serikali yaita hopsitali binafsi mezani

Spread the loveSERIKALI imekiita mezani Chama cha Wenye Hospitali Binafsi (APHFTA), ili...

Habari Mchanganyiko

Karafuu, Parachichi yawa fursa Morogoro

Spread the loveIMEELEZWA kuwa zao la karafuu ambalo kwa sasa linalimwa pia...

error: Content is protected !!