UDOM: China iwe mfano kwetu

CHUO Kikuu cha Dodoma (UDOM), kimewataka Watanzania kuwaiga Wachina katika kuthamini na kudumisha tamaduni ikiwemo lugha ya taifa lao. Anaripoti Danson Kaijage, Dodoma … (endelea).

Akizungumza jijini Dodoma wakati wa mashindano ya uelewa wa Kichina, kwa wanafunzi wa shule za sekondari uliohusisha maswali, hutuba pamoja na vipaji mbalimbali, Profesa Alexander Makuliko, Naibu Makamu Mkuu wa UDOM, upande wa taaluma na tafiti amesema, Watanzania wakifuata nyayo hizo, Kiswahili kitakua duniani kote.

“Kiswahili kwa sasa kinatumia Afrika Kusini na katika Bara la Afrika kuna nchi nyingi zinatumia lugha hii kama Kenya, Uganda.

“Ni lugha ya kimataifa hivyo ni lazima tuweze kuitumia kueleza utamaduni, kuweza kuipenda nchi yetu na kuonesha kuwa, tunaweza kufanya jambo fulani kwa lugha hii katika ngazi za kimataifa,” amesema Prof. Makuliko.

Akizungumzia lugha ya Kichina katika ukuaji wa uchumi nchini Prof. Makuliko amesema, nchini ya China ni taifa moja wapo kubwa ulimwenguni lenye nguvu ya kiuchumi ambalo limekuwa likiwezeka katika maeneo mbalimbali hapa nchini.

Amesema, kutokana na fursa hizo ni lazimi Watanzania kujifunza Kichina ili kunufaika katika miradi hiyo.

Mkurugenzi mkazi wa taasisi ya Confucius inayofundisha lugha ya Kichina UDOM, Dk Rafiki Sebonda amesema, yapo masuala la tekinolojia kwa lugha ya kichina hivyo kuwepo wa Watanzania wanaojifunza kichina itasaidiakata katika mikata.

“Kama lugha huijui, unaweza kuingi mikataba ambayo hujui imeandikwa nini, kwa hiyi ni wakati muafaka wa kujifunza kichina, wakati huo huo tunahakikisha lugha yetu ya Kiswahili inatumika sehemu nyinge na inakua.

Mkurugenzi wa taasisi ya Confucius Dk Yang Lun amesema, washindi wa shindano la sita nchini, watashiriki shindano ya 12 nchini China mapema mwaka huu na watapata nafasi ya kufahamiana zaidi na wanafunzi wengine kutoka mataifa mbalimbali.

Mashindano hayo yaliyoshirikisha wanafunzi 11 kutoka shule mbalimbali nchini zinazofundisha lugha hiyo, ambapo Maureen Mwasongwe kutoka Shule ya Sekondari, Shaaban Robert iliyopo Dar es Salaam na Amina Kibao kutoka Shule ya Sekondari Rosmin, Tanga walikuwa washindi.