Thursday , 28 March 2024
Home Gazeti Habari za Siasa Uandikishaji: Serikali ya JPM yabebeshwa lawama
Habari za Siasa

Uandikishaji: Serikali ya JPM yabebeshwa lawama

Mneke Jaffar, Mkurugenzi Mipango na Uchaguzi Chama cha Wananchi (CUF)
Spread the love

MWITIKIO hafifu wa watu kujitokeza katika uandikishaji kwa ajili ya kupiga kura, kwenye uchaguzi wa serikali za mitaa baadaye mwaka huu, umehusishwa na misimamo ya Rais John Mafufuli. Anaripoti Hamis Mguta … (endelea).

Miongoni mwa lawama hizo ni kuzuia mikutano ya hadhara, jambo ambalo linadaiwa kusababisha wananchi kukosa hamasa ya kwenda kujiandikisha.

Mneke Jaffar, Mkurugenzi Mipango na Uchaguzi Chama cha Wananchi (CUF) amesema, miaka ya nyuma wananchi walikuwa wakisukumwa kujiandikisha kutokana na ushawishi wanaoupata kutoka kwenye mikutano ya kisiasa.

Mikutano ya kisiasa imepigwa marufuku kwa wanasiasa wasio kwenye maeneo yao husika, kwenda kufanya mikutano ya hadhara. Msimamo huo wa serikali ya awamu ya tano umekuwa ukilalamikiwa.

Jaffar amesema, chaguzi za serikali za mitaa zilizopita akitaja mwaka 2004, 2009 na 2014 zilikuwa na hamasa kwa kuwa, wananchi waliahamasishwa kwenye mikutano ya hadhara.

“Lakini pia wananchi wanaonekana kuchoshwa na kukata tamaa baada ya kuona wanaopata kura chache, ndio wanatangazwa kuwa washindi.

“Wananchi wana wasiwasi kuhusu utayari wa serikali ya CCM kushuhudia kampeni za uchaguzi zikifanyika, wengi wanaamini kuwa CCM imenogewa kuwa msema pweke’ hivyo kujitangaza washindi hata kama hatojashinda,” amesema.

Jaffar anaamini, wananchi wanaopigia wapinzani wamefadhaishwa na mchezo mchafu kwa wabunge na madiwani kujipeleka CCM wakidai kumuunga mkono Rais Magufuli.

“Tungependa serikali kupitia TAMISEMI, izuie vitendo vya wasimamizi kuhamisha vituo na kwenda majumbani kuandikisha watu kiholela kama ilivyoripotiwa Tanga na Mtwara.

“Serikali iwaondolee hofu wananchi na kutoa tamko la rasmi vyama vya siasa kufanya mikutano ya hadhara, ili kuhamasisha wananchi kujiandikisha na kuzungumzia masuala yanayohusu nchi yao kama Katiba ya Nchi inavyotaka,” amesema.

Leave a comment

Leave a Reply

Your email address will not be published. Required fields are marked *

Related Articles

Habari za SiasaMakala & Uchambuzi

Nani anasema kuna hasara ATCL?

Spread the loveRIPOTI za makusanyo na matumizi ya fedha katika Kampuni ya...

Habari za SiasaTangulizi

CAG: Wastaafu, wenza wao chanzo NHIF kufilisika

Spread the loveRIPOTI ya ukaguzi ya Mdhibiti na Mkaguzi Mkuu wa Hesabu...

Habari za SiasaTangulizi

Vikundi hewa 851 vyalamba bilioni 2.6 mikopo ya halmashauri

Spread the loveVIKUNDI hewa vya wajasirimali wadogo 851 kutoka katika halmashauri 19...

Habari za SiasaTangulizi

Mashirika matano yapata hasara mabilioni ya fedha

Spread the loveMASHIRIKA matano ya Serikali yanayojiendesha kibiashara, yamepata hasara ya mabilioni...

error: Content is protected !!