Sunday , 25 February 2024
Home Gazeti Habari za Siasa Tundu Lissu: Hatutanyamaza
Habari za SiasaTangulizi

Tundu Lissu: Hatutanyamaza

Tundu Lissu, Mwanasheria Mkuu wa Chadema (katikati) akizungumza na waandishi wa habari (hawapo pichani)
Spread the love

MARA baada ya kuachiwa huru na mahakama, Tundu Lissu, Mwanasheria Mkuu wa Chadema, ametupa dongo lingine kwa Rais John Magufuli kwa kumwambia kuwa watanyamaza wakiwa wafu, anaandika Hellen Sisya.

Lissu alipoachiwa na mahakama alienda moja kwa moja Makao Mkuu ya Chadema, ambako alikutana waandishi wa habari, katika mkutano huo pamoja na mambo mengine amesema: “Mwambieni Magufuli (Rais John Magufuli), tutanyamaza tukiwa wafu.”

Akiongea kwa kujiamini Lissu amesema, “wanataka tunyamaze ili waendeshe nchi hii wanavyotaka wao, Taifa hili ni la mfumo wa vyama vingi, tunayo haki ya kufanya mikutano, tunayo haki ya kufanya maandamano na tunayo haki ya kutoa maoni yetu. Kwa msingi huo hakuna wa kutunyamazisha, nchi hii siyo mali ya mtu binafsi.”

Amesema, “naomba niweke wazi kabisa. Hakuna gereza, wala mahabusu, wala polisi, wala usalama wa taifa, wala Magufuli na wala mtu yeyote atakayetunyamazisha. Narudia. “Hatutakubali kunyamazishwa. Kwa sababu, tukinyamaza kwa kuogopa mahabusu, tukaogopa magereza, tukaogopa mabomu ya mapolisi, tukanyamaza. Nchi hii, inaangamia.”

Kwa mujibu wa Lissu, hicho ndicho wanachotaka. Alisema, “wanataka tunyamaze ili waendeshe nchi wanavyotaka wao.”

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Samia atoa pole ajali iliyoua 25, kujeruhi 21 Arusha

Spread the loveRais Samia Suluhu Hassan ametuma salamu za rambirambi kwa Mkuu...

Habari MchanganyikoTangulizi

25 wafariki dunia katika ajali Arusha

Spread the loveWatu 25 wamefariki dunia papo hapo mkoani Arusha katika ajali...

Habari za SiasaTangulizi

Dk. Biteko afuta likizo watumishi Tanesco, bosi Morogoro yamkuta

Spread the loveNaibu Waziri Mkuu na Waziri wa Nishati, Mhe. Dk. Doto...

Habari za Siasa

Mbarala ajitosa kumrithi Zitto, aahidi kuipa ushindi ACT-Wazalendo uchaguzi mkuu

Spread the loveKATIBU wa Idara ya Haki za Binadamu na Makundi Maalum...

error: Content is protected !!