July 28, 2021

Uhuru hauna Mipaka

TPSF, JWT waitega serikali

Mwenyekiti wa Jumuiya ya Wafanyabiashara Nchini, Johson Minja (kulia) akijadiliana jambo na Makamu mwenyekiti wake, Mchungaji Silver Kyondo

Spread the love

TAASISI ya Sekta binafsi (TPSF), Umoja wa wafanyabiashara Tanzania (JWT), wameitaka serikali kusitisha mara moja mradi wa soko la wachina eneo la Kurasini Jijini Dar es Salaam unaoendelea. Anaandika Sarafina Lidwino … (endelea).

Wameonya, Serikali isipokuwa sikivu na yenye kuelewa inaweza kusababisha machafuko kama yaliyotokea nchi jirani ya Afrika kusini, ambamo yalitokea kwaajili ya kutetea uchumi wao.

Wafanya biashara hao wamekutana leo Jijini Dar es Salaam, ambapo wamejadili  masuala mbalimbali ya kiuchumi  pamoja na changamoto zinazowakabili.

Aidha, walikuwepo viongozi mbalimbali kutoka mikoa tofauti nchini, ambapo lengo kuu ni kukutana na viongozi wa TPSF ili kujadili masuala kama vile uwekezaji wa kigeni, uwezeshwaji wa wafanya biashara ndogondogo  pamoja na mbinu za kukuza mitaji yao ili waweze kujikwamua kiuchumi kwa ustawi wan chi na jamii kwa ujumla.

Akizungumza katika kikao hicho, Mwenyekiti wa JWT Johnson Minja amesema, Serikali inatakiwa kuwajali wafanya biashara wa ndani  kuliko kuwajali zaidi wawekezaji kutoka nje ambao  wasiona na  uchungu na nchi yetu.

Minja amesema,  “hatuko tayari kuona tunatawaliwa ndani ya nchi yetu.serikali inatakiwa kutuongoza na kutuunga mkono kwani nguvu na pesa ya kuendesha miradi ya uchumi tunayo”amesema Minja.

Hata hivyo, wachangiaji mbalimbali ndani ya mkutano huo wamesema, wanaitaka serikali ichukue hatua kama walivyofanya nchi ya China kwa kuzuia wawekezaji wan je kuwekeza katika nchi zao.

Nae Katibu mkuu JWT, Mchungaji Kihondo amesema,serikali isipowasikiliza wafanya biashara wa ndani na kuendelea  kuwathamini wachina ambao wanajengewa soko, “sisi tutachukua hatua na tutajibu kwa vitendo na kama serikali imepewa rushwa basi irudishe sisi tutawatimua na tutabaki na soko letu”

 Mwenyekiti wa TPSF, Dk. Reginald Mengi  amesema, watanzania wanatakiwa kuzitambua haki zao pamoja na kupata fursa zao ndipo wapewe wawekezaji.

Dk.Mengi amesema,Serikali inatakiwa kujua kuwa, hakuna mwekezaji wan je  ambae anaweza kuleta mapinduzi ya kiuchumi ndani ya nchi yetu zaidi ya wazawa Tanzania ni ya watanzania sio ya watu wengine.

Amesema, “serikali itupe sisi hilo soko wanalotaka kupewa wachina halafu ione kama tutashindwa kuendesha uchumi wa nchi yetu.Sijawahi kuona serikali ya namna hii ambayo inawashibisha wageni kuliko wenyeji,” ameongeza Dk. Mengi.

Dk. Mengi aliwashauri  wafanya biashara wadogowadogo kwamba, wanatakiwa kuona mbali kibiashara na wasikubali  mtu kuwadharau na kuwakatisha tamaa .

Aidha, aliwataka  kuwa na mawazo makubwa kabla ya kuanza kufanya biashara ili kusonga mbele, ili serikali isitafute sababu ya kuwawekea vipingamizi  kumiliki masoko makubwa.

error: Content is protected !!