Monday , 22 April 2024
Home Habari Mchanganyiko TFDA yafunga machinjio Kongwa
Habari Mchanganyiko

TFDA yafunga machinjio Kongwa

Duka la nyama
Spread the love

MAMLAKA ya udhibiti chakula vipodozi na dawa TFDA imefungia machinjio ya ng’ombe ya Halmashauri ya Wilaya ya Kongwa kuendelea na huduma ya uchinjaji ng’ombe   kutokana na machinjio hizo kutokidhi vigezo vya mlaji, anaandika Dany Tibason.

Kaimu meneja TFDA kanda ya kati Dodoma Dk. Englebert Mbekenga ameeleza kupitia vyombo vya habari kuwa tangu Mei 12, mwaka huu mpaka watakapofanya marekebisho ndipo watafunguliwa kuendeleza huduma hiyo.

Mbekenga amesema kwa mujibu wa sheria namba (1) ya mwaka 2003 ya Chakula Dawa na Vipodozi imeweka wazi kwamba eneo linalohusika na uchinjaji mifugo ili liweze kutambulika kama machinjio inabidi liwe na maji ya kutosha kwa ajili ya kufanya usafi na vyoo vya kutoa huduma kwa wanyakazi wa machinjio.

“Lakini machinjio ya Kongwa haina huduma yoyote ya maji wala bomba na vyoo havina milango hali iliyopelekea utumiaji wa ovyo katika mazingira kwa baadhi ya watu kujisaidia ovyo na uchafu uliokithiri kutokana na ukosefu huo wa huduma ya maji,” Mbekenga alieleza.

Mmoja wa wamiliki wa bucha ambaye pia hutegemea machinjio hayo kwa masharti ya kutotajwa jina amesema kufungwa kwa machinjio hiyo kumeleta ugumu na kuongezeka kwa gharama kwani kwa inawalazimu kusafiri zaidi ya kilometa 16 kupata huduma katika machinjio ya Kijiji cha Mbande.

Ameiomba serikali kuchukua hatua mapema kufanya matengenezo kwani wao wamekuwa wakilipia kila kichwa kinachochinjwa kiasi cha 3,000/= na machinjio hutegemewa zaidi ya wafanyabiashara hao wa nyama.

Kwa upande wa bei ya nyama ya ng’ombe wilayani humo  kwa wauzaji waolikuwa wakiuza sh. 4,000/= kwa kilo kwa sasa wamepandisha mpaka 5,000/= kwa kilo.

Kadhalika Dk. Mbekenga ametoa wito kwa wamiliki machinjio binafsi na halmashauri zote kuhakikisha sheria, kanuni,na taratibu zinafuatwa na TFDA haitarajii kuona nyama safi inatoka katika machinjio zilizilizokithiri kwa uchafu.

Pia ametoa pongezi kwa vyombo vya habari kwa mchango wao mkubwa kwani kupitia habari wananchi watatambua mambo mbalimbali badala ya kubaki gizani.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

NMB yadhamini Mkutano Mkuu ALAT, kufunguliwa na Samia

Spread the loveBENKI ya NMB, imekabidhi hundi yenye thamani ya Sh. 120...

Habari Mchanganyiko

DC ampongeza Dk. Rose Rwakatare kwa kusaidia waathirika wa mafuriko Mlimba

Spread the loveMWENYEKITI wa Wazazi CCM Mkoa wa Morogoro, Dk.  Rose Rwakatare...

Habari MchanganyikoHabari za Siasa

Mipango na uwekezaji kutumia bilioni 121.3, mradi wa Bagamoyo wapewa kipaumbele

Spread the loveWIZARA ya Ofisi ya Rais, Mipango na Uwekezaji, imeliomba Bunge...

Habari MchanganyikoHabari za Siasa

Mbunge ataka kasi uzalishaji walimu ipunguzwe akidai hakuna ajira

Spread the loveMBUNGE wa Mlalo (CCM), Rashid Shangazi, ameishauri Serikali ipunguze kasi...

error: Content is protected !!