Saturday , 15 June 2024
Home Habari Mchanganyiko Tetesi za Ebola: WHO yatuma mjumbe Tanzania
Habari Mchanganyiko

Tetesi za Ebola: WHO yatuma mjumbe Tanzania

Spread the love

SHIRIKA la Afya Duniani (WHO), limetuma mjumbe wake Dk. Tigest Ketsela Mengestu nchini Tanzania, kwa ajili ya kufanya mazungumzo na serikali kuhusu tetesi za uwepo wa mlipuko wa ugonjwa wa Ebola. Anaripoti Martin Kamote…(endelea).

Kwa mujibu wa taarifa iliyotolewa leo tarehe 24 Septemba 2019 na Dk. Hassan Abassi, Msemaji Mkuu wa Serikali, Tanzania ilimwita Dk. Mengestu ambaye anaiwakilisha WHO hapa nchini, ili kutoa maelezo kuhusu taarifa ya shirika hilo inayosambaa katika vyombo vya habari.

Hivi karibuni, ilisambaa taarifa ya WHO inayoeleza kwamba serikali ya Tanzania haitoi ushirikiano kwa shirika hilo, katika kufanya uchunguzi wa sampuli za watu wanaodaiwa kwamba wamefariki kwa ugonjwa wa Ebola.

Dk. Abbasi amekanusha madai hayo akisema kwamba, Dk. Mengestu amesema WHO haijasema na wala haina ushahidi wowote kuwa nchini Tanzania kuna Ebola.

“Serikali imemwita Mwakilishi wa Shirika la Afya Duniani (WHO) hapa nchini kupata kwa kina hoja za Shirika hilo zinazosambaa kupitia vyombo vya habari. Mwakilishi huyo amesisitiza kuwa WHO haijasema wala haina ushahidi wowote kuwa TZ kuna Ebola na itashirikiana na Serikali,” amesema Dk. Abassi.

Dk. Abbasi ameeleza kuwa, katika mazungumzo ya Dk. Mengestu na Dk. Damas Ndumbaro, Naibu Waziri wa Mambo ya Nje wamekubaliana kwamba WHO itafuata taratibu husika itakapotaka taarifa zaidi kuhusu suala hilo, kutoka serikalini.

“Aidha, katika mazungumzo hayo WHO imeafiki kuwa kama kuna mahitaji ya kupata taarifa zaidi kutoka Serikali ya Tanzania lazima utaratibu ulioanishwa katika miongozo ya taasisi hiyo na ambayo imeridhiwa na Serikali ifuatwe kikamilifu,” amesema Dk. Abassi.

Leave a comment

Leave a Reply

Your email address will not be published. Required fields are marked *

Related Articles

BiasharaHabari MchanganyikoHabari za Siasa

Mataifa Afrika Mashariki yawasilisha bajeti 2024/2025 inayolenga kukuza uchumi

Spread the loveMataifa manne ya Afrika Mashariki jana Alhamisi yamewasilisha bungeni bajeti...

Habari MchanganyikoHabari za SiasaTangulizi

Samia apandisha kikokotoo kutoka asilimia 33-40

Spread the loveHATIMAYE Serikali imesikia kilio cha wastaafu wa utumishi wa umma...

Habari MchanganyikoHabari za SiasaTangulizi

Polisi wamtia mbaroni RC wa zamani aliyedaiwa kulawiti

Spread the loveJeshi la Polisi mkoani Mwanza linamshikilia aliyekuwa Mkuu wa Mkoa...

Habari MchanganyikoHabari za Siasa

Wafungwa, mahabusu ruksa kupiga kura

Spread the loveTUME Huru ya Taifa ya Uchaguzi (INEC) imesema kuwa wafungwa,...

error: Content is protected !!