Friday , 3 February 2023
Home Kitengo Habari Kimataifa Tedros mgombea pekee, kuendelea kuongoza WHO
Kimataifa

Tedros mgombea pekee, kuendelea kuongoza WHO

Spread the love

MKUU wa Shirika la Afya Duniani (WHO), Tedros Adhanom Ghebreyesus ana uhakika wa kuiongoza taasisi hiyo kwa muhula wa pili baada ya kupigiwa kura inayomfanya kuwa mtu pekee atakayegombea uchaguzi wa wadhifa huo mwezi Mei mwaka huu. Anaripoti Mwandishi Wetu … (endelea).

Tedros ambaye ni kiongozi wa kwanza Mwafrika wa shirika hilo la Umoja wa Mataifa, ameshukuru kwa uungwaji mkono alioupata, baada ya bodi ya utendaji ya WHO kupiga kura ya siri iliyoidhinisha uteuzi wake wa kuwa mgombea pekee kwa wadhifa huo.

Tedros ni mmoja wa viongozi waliogonga vichwa vya habari katika mapambano ya kimataifa ya janga la COVID-19, alikiri kuwa muhula wake wa kwanza wa miaka mitano ulikuwa na changamoto na mgumu na akasema ni heshima kubwa kupewa fursa ya kuendelea kupambana.

Waziri huyo wa zamani wa Afya na mambo ya nje wa Ethiopia, anatarajiwa kuchaguliwa bila kipingamizi wakati mataifa yote 194 – wanachama wa WHO yatapiga kura zao kumchagua Mkurugenzi Mkuu mwezi Mei.

Tangu kuanza kwa janga la COVID 19 duniani miaka miwili iliyopita, Tedros aliye na miaka 56 na mtaalamu wa ugonjwa wa Malaria, amepokea sifa nyingi kwa namna alivyoiongoza dunia katika mapambano ya janga hilo.

Mataifa ya Afrika yamefurahishwa na umakini unaotolewa kwa bara hilo kutokana na kampeni ya Tedros ya kuyasaidia mataifa masikini kupata chanjo dhidi ya COVID 19.

Hata hivyo, upinzani wa Tedros umekuja kutoka ndani ya taifa lake.

Serikali ya Ethiopia imepuuza matamshi yake juu ya hali ya mgogoro wa kibinaadamu katika eneo la Tigray katika vita vilivyodumu miezi 14.

Mwanzoni mwa mwezi huu Tedros aliifananisha hali katika eneo hilo kuwa sawa na jehanamu na kuituhumu serikali ya Ethiopia kuzuia dawa na msaada mwengine kufika katika maeneo yaliyoathirika.

Kutokana na kauli hiyo Ethiopia ilitaka achunguzwe kwa madai ya kuhusika na hatua za kuunga mkono vikosi vya wapiganaji wa Tigray wanaopambana na serikali kuu ya Ethiopia.

Hata hivyo, Mwenyekiti wa bodi kuu ya utendaji ya WHO, Patrick Amoth amearifu kwamba taasisi hiyo itaahirisha kutoa uamuzi kuhusu ombi lililotolewa.

Amoth amesema ombi la serikali ya Ethiopia ni suala gumu lenye kubeba athari za kisiasa na liko nje ya mfumo wa taratibu za kamati hiyo na kupendekeza suala hilo liwekwe kando na kujadiliwa na wale wanaohusika katika wakati mwafaka.

Leave a comment

Leave a Reply

Your email address will not be published. Required fields are marked *

Related Articles

Kimataifa

Hospitali za China zilifurika wagonjwa, wazee kipindi cha wa likizo ya Mwaka Mpya wa Lunar

Spread the loveHOSPITALI  nchini China zimejaa wagonjwa na wazee katika kipindi cha...

Kimataifa

Papa Francis ayataka mataifa ya nje kuacha kupora mali DRC

Spread the love  KIONGOZI wa kanisa Katoliki Papa Francis, ameyataka mataifa ya...

Kimataifa

Mashabiki wakabiliwa na mashtaka ya mauaji baada ya wafuasi wa Arsenal na Manchester City kupigana Uganda

Spread the love  MASHABIKI wawili wa soka nchini Uganda wanakabiliwa na mashtaka...

Kimataifa

China inatathmini upya sera za wafanyakazi

Spread the love  WAKATI idadi ya watu wa nchi China inapungua, Beijing...

error: Content is protected !!