Friday , 1 March 2024
Home Kitengo Maisha Elimu TCU yajivua rasmi udahili wa wanafunzi
Elimu

TCU yajivua rasmi udahili wa wanafunzi

Eleuther Mwageni , Kaimu Mkurugenzi Mkuu wa Tume ya Vyuo Vikuu Tanzania (TCU)
Spread the love

TUME ya Vyuo Vikuu Tanzania (TCU), imejivua rasmi jukumu la kusimamia suala la udahili kwa wanafunzi ambao wanatarajia kujiunga na masomo ya elimu ya juu mwaka huu , anaandika Hellen Sisya.

Akizungumza na waandishi wa habari katika makao makuu ya tume hiyo mapema leo hii, Eleuther Mwageni , Kaimu Mkurugenzi Mkuu wa tume hiyo amesema kuwa, wanafunzi wote watakaohitaji kujiunga na masomo ya elimu ya juu wanapaswa kutuma maombi yao kwa vyuo husika na siyo  TCU kama ambavyo imezoeleka miaka ya nyuma.

Aidha, tume hiyo imewaomba waombaji wote kusoma miongozo ya udahili ambayo inapatikana katika mtandao wa tume hiyo na kusisitiza kuwa waombaji wanapaswa kuomba kozi ambazo zinatambuliwa na TCU pamoja na NACTE ambazo pia zinapatikana katika mtandao wa tume hiyo.

Tume hiyo pia imetoa wito kwa vyuo vikuu kote nchini kutangaza kozi zinazotambulika na tume hiyo pamoja na kudahili wanafunzi wenye vigezo na sifa stahiki katika kila kozi.

Hapo awali, tume hiyo ndiyo ilikuwa na mamlaka ya kudahili wanafunzi wanaojiunga na elimu juu nchini ambapo wanafunzi walikuwa wanatuma maombi yao kwa tume hiyo na tume hiyo inachukua jukumu la kuwapangia vyuo vya kwenda kusoma.
MWISHO

Leave a comment

Leave a Reply

Your email address will not be published. Required fields are marked *

Related Articles

Elimu

Takukuru wambana Mwalimu mkuu, atema bungo

Spread the loveMwalimu Mkuu wa shule msingi Hanihani, kata ya Igunga wilayani...

ElimuHabari za Siasa

Prof Muhongo ataka ubunifu mitaala mipya ya elimu

Spread the loveSERIKALI imetakiwa kuhakikisha  maarifa, ujuzi, uvumbuzi na udadisi vinazingatiwa kwenye...

BiasharaElimu

NMB yatoa vifaa saidizi kwa walimu, wanafunzi wenye ulemavu Ilala

Spread the loveBENKI ya NMB, imekabidhi msaada wa vifaa saidizi kwa walimu...

Elimu

St. Mary’s Mbezi Beach High School yafanya maajabu kidato cha nne

Spread the love  WANAFUNZI waliomaliza  kidato cha nne kwenye shule ya sekondari...

error: Content is protected !!