Takukuru yatangaza nafasi za ajira 320

TAASISI ya Kuzuia na Kupambana na Rushwa (Takukuru) leo tarehe 21 Januari, 2023 imetangaza nafasi 320 za ajira kwa vijana wa Kitanzania wenye umri usiozidi miaka 30. Anaripoti Mwandishi Wetu …(endelea).

Kwa mujibu wa tangazo lililotolewa na Takukuru kupitia tovuti yao, nafasi hizo ni maofisa upelelezi nafasi 220 na nafasi 100 za wapelelezi wasaidizi daraja la tatu.

Aidha, taarifa hiyo imeeleza kuwa waombaji wa nafasi ya maofisa upelelezi wanatakiwa kuwa na Astashahada au shahada ya kwanza katika kozi ya uhandisi, usanifu, sayansi ya kompyuta, sheria, saikolojia na ushauri nasaha

Wakati katika nafasi ya wapelelezi wasaidizi daraja la tatu, wanaohitajika ni waliohitimu elimu ya sekondari na mafunzo yoyote yanayotambulika ikiwemo ya ufundi stadi kutoka katika taasisi zinazotambulika. Mwisho wa kutuma maombi ni Februari 10, 2023.