Monday , 27 May 2024
Home Habari Mchanganyiko Takukuru watakiwa kutoa ruhusa Sethi kuhojiwa
Habari Mchanganyiko

Takukuru watakiwa kutoa ruhusa Sethi kuhojiwa

Spread the love

MAHAKAMA ya Hakimu Mkazi Kisutu imeombwa na Taasisi ya Kuzuia na Kupambana na Rushwa (TAKUKURU) kuamuru mtuhumiwa wa kesi ya uhujumu uchumi, Harbinder Sethi kuchukuliwa gerezani kwa ajili ya kuhojiwa. Anaripoti Mwandishi Wetu … (endelea).

Sethi na James Rugemarila wanasota rumande kutokana na kukabiliwa na mashtaka 12 ya utakatishaji fedha na uhujumu uchumi kwa kula njama, kughushi na kutoa nyaraka za kughushi, kujihusisha na mtandao wa uhalifu pamoja na kuisababishia serikali hasara.

Wakili wa TAKUKURU, Leonard Swali ametoa ombi hilo leo tarehe 25 Oktoba 2018 mbele ya Hakimu Mkazi Mkuu, Huruma Shaidi, akisema kuwa wachunguzi wa taasisi hiyo watamchukua Sethi gerezani ili kumhoji kwa ajili ya kukamilisha uchunguzi.

Baada ya ombi hilo, Hakimu Shaidi ali ihairisha kesi hiyo hadi tarehe 8 Novemba 2018 baada ya mawakili wa pande zote mbili kuafikiana kuhusu mahojiano hayo, ambapo Wakili upande wa utetezi, Dorah Mallaba aliieleza Mahakama hiyo kwamba, wakati mteja wake Sethi anachukuliwa maelezo, mawakili wake wawepo.

Tarehe 8 Novemba 2018, kesi hiyo inatarajiwa kutajwa pamoja na kuangalia iwapo uchunguzi wake utakuwa umekamilika.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Madeni ya bilioni 219 yalipwa, wadai wengine waitwa

Spread the loveSERIKALI imesema kuanzia Mei mwaka 2021 hadi sasa imelipa madai...

Habari MchanganyikoHabari za Siasa

Kasekenya aipa Tanroads wiki kukarabati barabara Morogoro

Spread the loveNaibu Waziri wa Ujenzi, Mhandisi Godfrey Kasekenya ametoa wiki moja...

ElimuHabari Mchanganyiko

Rubani mtarajiwa Tusiime awashangaza wazazi

Spread the loveWAZAZI walioshiriki siku ya taaluma na maonyesho ya shule ya...

Habari Mchanganyiko

Wanne wadakwa kwa kusafirisha punda 46 nje ya nchi

Spread the loveJeshi la Polisi kikosi cha kupambana na kuzuia wizi wa...

error: Content is protected !!