Monday , 27 May 2024
Home Gazeti Habari za Siasa Swali la kwanza la Mwijage baada ya kuvuliwa uwaziri
Habari za Siasa

Swali la kwanza la Mwijage baada ya kuvuliwa uwaziri

Mbunge wa Muleba Kaskazini (CCM), Charles Mwijage
Spread the love

MBUNGE wa Muleba Kaskazini,Charles Mwijage kwa mara ya kwanza ameuliza swali bungeni baada ya kuvuliwa wadhifa wa uwaziri wa viwanda na biashara na Rais John Magufuli Novemba 10 mwaka huu. Anaripoti Regina Mkonde … (endelea).

Leo tarehe 16 Novemba 2018 bungeni jijini Dodoma, Mwijage aliuliza swali kwa Wizara ya Nishati, akisema kuwa, kuna baadhi ya kata jimboni mwake ambazo zilitakiwa kuwashiwa umeme katika Mradi wa Wakala wa Nishati Vijijini (REA) awamu ya pili, lakini awamu hiyo imeisha pasipo kata hizo kuwashiwa umeme.

“Mazingira ya Kigoma Kusini ni kama ya Muleba Kaskazini, katika mpango wa REA namba mbili mkandarasi alitandaza nyaya katika baadhi ya kata, wananchi hawakupata umeme, ningependa kujua lini watawashiwa umeme ili waweze kufaidika na umeme wa REA,” alihoji Mwijage.

Katika hatua nyingine, Mwijage alimshukuru Rais Magufuli kwa kumteua kuwa waziri awali, Makamu wa Rais, Samia Suluhu na Waziri Mkuu, Kassim Majaliwa pamoja na uongozi wa bunge kwa kumpa ushirikiano na kumuongoza katika majukumu yake.

“Nikushukuru wewe kwa niaba ya mheshimiwa Spika Job Ndugai kwa namna ambavyo tumekuwa tukishirikiana na kuniongoza katika kutekeleza majukumu yangu, pia ningependa kumshukuru rais, makamu wa rais na waziri mkuu kwa namna ambavyo walinipa majukumu na kuweza kunisimamia, mwisho nimshukuru Mungu,” amesema Mwijage.

Akijibu swali la Mwijage, Waziri wa Nishati, Dk. Medard Kalemani amesema kata hizo miradi yake ya umeme haijakamilika vizuri katika awamu ya pili, na kwamba miradi hiyo ya umeme itapelekwa katika mradi wa REA awamu ya tatu sehemu ya kwanza.

“Ni kweli maeneo ya Muleba Kaskazini kazi ya mkandarasi awamu ya pili haujakamilika vizuri, mradi huo umepelekwa awamu ya tatu sehemu ya kwanza, watapelekewa umeme katika raundi hii itakayofuata,”amesema Dk. Kalemani.

Leave a comment

Leave a Reply

Your email address will not be published. Required fields are marked *

Related Articles

BiasharaHabari MchanganyikoHabari za Siasa

Wazanzibar watarajia makubwa kutoka NMB Pesa Akaunti

Spread the loveWateja wapya wa Benki ya NMB wa Zanzibar wanatarajia neema...

Habari MchanganyikoHabari za Siasa

Kinana aungana na Tale kugawa mitungi ya gesi 800

Spread the loveMAKAMU Mwenyekiti wa Chama Cha Mapinduzi (CCM) Tanzania Bara, Abdulrahman...

Habari za SiasaTangulizi

Makonda amjibu Mwenyekiti UWT, “wananipa nguvu ya kuwapiga spana”

Spread the loveMKUU wa Mkoa wa Arusha, Paul Makonda amemshukia Mwenyekiti wa...

Habari MchanganyikoHabari za Siasa

Madeni ya bilioni 219 yalipwa, wadai wengine waitwa

Spread the loveSERIKALI imesema kuanzia Mei mwaka 2021 hadi sasa imelipa madai...

error: Content is protected !!