Monday , 4 March 2024
Home Gazeti Habari za Siasa Sumaye – sasa tunaelekea vijijini
Habari za Siasa

Sumaye – sasa tunaelekea vijijini

Frederick Sumaye, Waziri Mkuu Mstaafu wa Tanzania
Spread the love

MWENYEKITI wa Chama Cha Demokrasia Na Maendeleo (Chadema) Kanda ya Pwani, Fredrick Sumaye, amesema chama chake kitazunguka nchi nzima kuelimisha wananchi juu ya haki zao, anaandika Catherine Kayombo.

Amesema elimu hiyo itatolewa katika vijiji na vitongoji vyote nchini, ili wananchi waweze kujua haki zao, ili kuweza kuamka na kupinga demokrasia kandamizi inayoota mizizi.

Hakutaja tarehe ya kuanza mpango huo, lakini alisema kuwa hadi mwisho wa mwaka kesho nchi nzima itakuwa imeelimishwa kuhusu haki za raia.

Sumaye amesema hayo leo katika ofisi za kanda, Magomeni, Dar es Salaam, alipokuwa anazungumza na waandishi wa habari kuhusu kile alichoita “mambo yanatotuhusu sote kwa maslahi ya taifa.”

Alizungumzia nafasi ya demokrasia ya vyama vingi vya siasa, mfumo wa demokrasia kandamizi, utawala wa demokrasia sahihi ya vyama vingi, utawala bora na demokrasia kandamizi, na kazi ya vyama vya upinzani.

“Watu wanadhani udikteta ni lazima uingie madarakani kwa mabavu. Hapana! Unaweza kuwa dikteta hata kama umeningia madarakani kwa kura, mradi mfumo uliotumia ni demokrasia pingamizi,” alisema.

Moja ya haki za msingi ambayo Sumaye alizungumzia ni haki ya kutoa na kupata habari, ambayo pia inalindwa na ibara ya 18 ya katiba ya nchi.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Dk. Mwinyi aungana na Samia kuuaga mwili wa baba yake

Spread the loveRais wa Zanzibar na Mwenyekiti wa Baraza la Mapinduzi, Dk....

Habari za SiasaTangulizi

Mtoto wa Mzee Mwinyi amwaga machozi

Spread the loveMtoto wa Hayati mzee Mwinyi, Abdullah Ali Hassan Mwinyi ameshindwa...

Habari za SiasaTangulizi

Mzee mwinyi alikuwa mwanademokrasia wa kweli

Spread the loveMtoto wa Hayati Ali Hassan Mwinyi, Abdullah Ali Hassan Mwinyi...

Habari za SiasaTangulizi

Samia: Mwinyi alikuwa maktaba inayotembea

Spread the loveRais Samia Suluhu hassan amesema Hayati rais mstaafu, Ali Hassan...

error: Content is protected !!