Friday , 3 February 2023
Home Gazeti Habari Spika Ndugai: Mama Samia hatabiriki
Habari

Spika Ndugai: Mama Samia hatabiriki

Job Ndugai Spika wa Bunge la jamhuri ya muungano wa Tanzania
Spread the love

 

JOB Ndugai, Spika wa Bunge la Tanzania, amewataka wateule wa Rais wa nchi hiyo, Samia Suluhu Hassan, kuchapa kazi kwani kiongozi huyo hatabiriki. Anaripoti Regina Mkonde…(endelea).

Spika Ndugai ametoa ushauri huo leo Alhamisi tarehe 1 Aprili 2021, Ikulu ya Chwamwino jijini Dodoma, wakati anazungumzia hatua ya Rais Samia kufanya mabadiliko madogo ya baraza la mawaziri.

Jana Jumatano, tarehe 31 Machi 2021, Rais Samia alifanya mabadiliko hayo kwa kuwahamisha na kuteua mawaziri nane na manaibu waziri. Pamoja na kumteua Balozi Hussein Kattanga, kuwa Katibu Mkuu Kiongozi.

Akizungumza katika hafla ya uapisho wa viongozi hao iliyofanyika Ikulu jijini Dodoma, Spika Ndugai amewashauri wafuate sheria na taratibu za kazi zao, ili wakwepe kuondolewa katika nyadhifa zao.

“Nataka kuwaibia siri, mama hatabiriki. Hivi leo hatujui kama tutatoka salama, kwa hiyo kama hatabiriki chapeni kazi fuateni sheria na taratibu za kazi,” amesema Spika Ndugai.

Kiongozi huyo wa Bunge amesema, hata jana hakuna mtu aliyejua kama Rais Samia atafanya mabadiliko ya baraza la mawaziri, bali walijua kiongozi huyo ataishia kumuapisha Dk. Phillip Mpango, aliyemteua kuwa Makamu wa Rais wa Tanzania.

“Ndugu zangu waheshimiwa, jana tulikuja hapa kwa suala la uapisho wa makamu wa rais, lakini hafla mheshimiwa rais akatoka kivingine, rais tuliondoka hapa watu wamepita njia wanzojua wenyewe,” amesema Spika Ndugai.

Rais Samia amefanya mabadiliko hayo baada ya kuapishwa kuwa Rais wa Tanzania, tarehe 19 Machi 2021, kufuatia kifo cha aliyekuwa Rais wa Tanzania, Hayati Dk. John Magufuli, kilichotokea tarehe 17 Machi 2021.

Dk. Magufuli alifariki dunia kwa ugonjwa wa mfumo wa umeme wa moyo, katika Hospitali ya Mzena, Makumbusho mkoani Dar es Salaam. Mwili wake ulizikwa nyumbani kwao Chato mkoani Geita, tarehe 26 Machi 2021.

Leave a comment

Leave a Reply

Your email address will not be published. Required fields are marked *

Related Articles

HabariHabari Mchanganyiko

CRB yashtukia makandarasi wanaofanya ubia wa ujanja ujanja, yasema watakaobainika kuchukuliwa hatua kali

Spread the love  BODI ya Usajili wa Makandarasi (CRB), imeonya makandarasi wanaofanya...

HabariKimataifa

Aliyesomeshwa na mchumba aamuriwa kurudisha Sh 9.4 Mil. baada ya kukataa kuolewa

Spread the love  MWANAMKE mmoja nchini Uganda ambaye aliuumiza moyo wa mchumba...

Habari

Mnyika aacha ujumbe msibani kwa kada wa Chadema aliyefia vitani Ukraine

Spread the loveKATIBU Mkuu wa Chama cha Demokrasia na Maendeleo-Chadema Taifa, John...

HabariHabari Mchanganyiko

Mwili wa kada wa Chadema aliyefia vitani Ukraine wawasili, kuzikwa Mbeya

Spread the loveMWILI wa Kada wa Chama cha Demokrasia na Maendeleo-Chadema, aliyefia...

error: Content is protected !!