Sunday , 19 May 2024
Home Habari Mchanganyiko Sitta ang’ang’ana wanafunzi watibiwe bure, Serikali yagoma
Habari MchanganyikoHabari za Siasa

Sitta ang’ang’ana wanafunzi watibiwe bure, Serikali yagoma

Wanafunzi darasani
Spread the love

MBUNGE wa Urambo, Margaret Sitta, ameishauri Serikali iweke utaratibu wanafunzi wapatiwe huduma za afya bure kama inavyotoa huduma za elimu bure kuanzia shule ya msingi hadi kidato cha sita. Anaripoti Mwandishi Wetu, Dar es Salaam…(endelea).

Sitta ametoa ushauri huo leo Ijumaa, bungeni jijini Dodoma, akiuliza swali la Mbunge wa Sikonge, Joseph Kakunda, aliyehoji Serikali haioni haja ya kuwalipia wanafunzi gharama za matibabu wanapougua shuleni.

Margaret Sitta

Ni baada ya Naibu Waziri wa Afya, Dk. Godwin Mollel, kusema Serikali imeweka utaratibu maalum kupitia Mfuko wa Taifa wa Bima ya Afya, ambapo wanafunzi wanajiunga kwa makundi kupitia shule wanazosoma kwa kuchangia Sh. 50,400 kwa mwaka, ambapo unawasaidia kupata matibabu wakiwa masomoni na wakati wa likizo.

“Baadhi ya wazazi watashindwa kulipa hiyo bima, kama ilivyo elimu bure na afya iwe bure, amesema Sitta.

Dk. Mollel amesema ushauri huo utekelezwaji wake ni mgumu kwa kuwa huduma za afya ni ghali hivyo Serikali ikifanya hivyo itashindwa kufanyia kazi vipaumbele vingine katika sekta hiyo.

“Ni kweli kuna wanafunzi ambao wazazi wao hawana uwezo wa kuwalipia hii 50,400 lakini kuna utaratibu wa kiserikali kuwasaidia wasiojiweza na wamekuwa wakitibiwa bure. Hili la kusema kwamba afya iwe bure kama ilivyo elimu ni ngumu sababu kutibu peke yake kisukari inahitaji Sh. 321 bilioni. Huo ni ugonjwa mmoja na hapa bungeni tunapitisha bilioni 200 kwa ajili ya dawa kwa hiyo utaona ugumu wake,” amesema Dk. Mollel.

Spika wa Bunge, Dk. Tulia Ackson, aliishauri Serikali kuandaa utaratibu wa kuwasaidia wanafunzi wanaotoka katika familia duni kunufaika na bima hiyo ili waweze kupata huduma za afya.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

CCM yamteua Pele kuwa mgombea ubunge Kwahani

Spread the loveKamati Kuu ya Halmashauri Kuu ya Chama Cha Mapinduzi (CCM)...

BiasharaHabari Mchanganyiko

Canada yatenga bilioni 38 kutekeleza mradi ya kuinua vijana TZ

Spread the loveSERIKALI ya Canada kupitia ‘CARE International Canada’ imetenga takribani Sh...

Habari MchanganyikoHabari za Siasa

Ujenzi kituo cha kupoza umeme Chalinze wafikia asilimia 93.7

Spread the loveKamati ya Kudumu ya Bunge ya Nishati na Madini imeeleza...

Habari Mchanganyiko

Balile ateuliwa rais wa wahariri Afrika Mashariki

Spread the loveJumuiya ya Wahariri wa Afrika Mashariki (EAES), imemchagua Mwenyekiti wa...

error: Content is protected !!