Sunday , 5 February 2023
Home Kitengo Michezo Simba Vs Yanga: Mashabiki kupewa barakoa bure
Michezo

Simba Vs Yanga: Mashabiki kupewa barakoa bure

Spread the love

 

CHAMA cha soka Mkoa wa Kigoma nchini Tanzania, kitagawa barakoa bure kwa mashabiki watakaoudhuria mchezo wa fainali kombe la shirikisho utakaowakutanisha Simba na Yanga. Anaripoti Kelvin Mwaipungu, Kigoma…(endelea).

Lengo ni kuwakinga mashabiki hao na maambukizi ya virusi vya corona (COVID-19).

Mchezo huo utakaowakutanisha watani wa jadi, utafanyika kesho Jumapili tarehe 25 Julai 2021 huku ukitegemewa kushuhudiwa na watazamani 17,000 kwenye Uwanja wa Lake Tanganyika.

Hayo yamesemwa na katibu wa chama cha soka mkoa wa Kigoma Omary Nindi, leo Jumamosi, wakati akizungumza na waandishi wa habari kuelekea mchezo huo wa watani wa jadi.

“Sisi kama chama cha soka mkoa wa Kigoma, katika mchezo wa kesho tumepanga kugawa barakoa bure kwa mashabiki wote watakaohudhuria mchezo huo, ili kujikinga na maambukizi ya wimbi la tatu la ugonjwa wa corona na kuchukua tahadhari kama serikali ilivyosema,” amesema Nindi

Barakoa hizo zitatoka kwenye bohari Kuu ya dawa (MSD) ambazo zitakuwa kwenye mageti yote nane yatakayotumiwa na mashabiki kuingia uwanjani hapo.

Aidha katibu huyo amesema licha ya kugawa barakoa hizo, lakini pia wataweka pia vitakasa mikono kwenye milango hiyo.

“Licha ya barakoa lakini pia kwenye mchezo huo wa kesho tutaweka maji pamoja na vitaka mikono (sanitizer) kwenye sehemu za milango ya kuingia uwanjani,” amesema

Kuelekea kwenye mchezo huo mpaka jana jioni jumla ya tiketi 12,000 zilishauzwa kati ya tiketi 17,000.

Leave a comment

Leave a Reply

Your email address will not be published. Required fields are marked *

Related Articles

Michezo

GGML: Uwanja mpya wa Geita Gold FC kukamilika Mei, 2023

Spread the loveUWANJA wa Magogo unaojengwa na Halmashauri ya Mji wa Geita...

Michezo

Wanafunzi chuo Mwalimu Nyerere wapongezwa kwa ushindi

Spread the love  UONGOZI wa Chuo cha Kumbukumbu ya Mwalimu Nyerere (MNMA)...

Michezo

Arsenal waipopoa Manchester United

Spread the loveKLABU ya Arsenal inayoshiriki Ligi Kuu England imewatandika Mashetani Wekundu...

Michezo

Mchezaji Singida apoteza maisha mazoezini

Spread the love  MCHEZAJI na kapteni wa timu ya vijana ya Singida...

error: Content is protected !!