Saturday , 15 June 2024
Home Kitengo Biashara Serikali yaanza mchakato kumsaka mwekezaji General Tyre
Biashara

Serikali yaanza mchakato kumsaka mwekezaji General Tyre

General Tyre
Spread the love

Serikali imesema ipo mbioni kukamilisha taratibu za kuutangaza zabuni ya kufufua kiwanda cha kutengeneza matairi cha General tyre kilichopo mkoani Arusha ifikapo Oktoba, 2023 ili kumpata mwekezaji mahiri mwenye mtaji na teknolojia ya kisasa inayohitajika. Anaripoti Isaya Temu, TUDARCo…(endelea).

Hayo yamesemwa leo tarehe 30 Agosti 2023 bungeni jijini Dodoma na Naibu Waziri wa Viwanda na Biashara, Exaud Kigahe alipokuwa akijibu swali la Mbunge wa Kilombero, Abubakari Asenga (CCM), aliyetaka kufahamu Serikali ina mpango gani wa kufufua kiwanda hicho cha General Tyre.

Akijibu swali hilo, Kigahe ameeleza kuwa Serikali ipo kwenye mpango wa kufufua kiwanda hicho kwa kutafuta mwekezaji mwenye uwezo unaohitajika na wizara hiyo.

Amesema mradi wa kiwanda hicho mchakato upo kwenye hatua ya kukamilisha taratibu za kuutangaza zabuni ifikapo mwezi Oktoba, 2023 ili kumpata mwekezaji mahiri mwenye mtaji na teknolojia ya kisasa inayohitajika.

Amesema zabuni ya mradi huo inatarajiwa kutangazwa ndani na nje ya nchi.

Aidha, katika swali la nyongeza, Assenga aliihojia Serikali ina mpango gani wa kufufua shamba la mpira lililopo kata ya Mwaya-Kilombero.

Akijibu swali hilo, Naibu waziri huyo amesema; “Kwa upande wa mashamba ya mpira likiwemo shamba la Kilombero, Serikali kupitia Shirika la Taifa la Maendeleo (NDC) imeendelea kuboresha uzalishaji wa mpira kwa kupanda miche mipya, kujenga miundombinu, kununua mashine za kugemea utomvu, uchakataji na vitendea kazi vingine ili kuongeza upatikanaji wa utomvu na mpira mkavu wenye viwango bora.”

Leave a comment

Leave a Reply

Your email address will not be published. Required fields are marked *

Related Articles

Biashara

Bonasi ya ukaribisho hadi Tsh 2,500,000/= ukijisajili Meridianbet kasino

Spread the love  Ofa kubwa kwaajili yako unayejisajili kwa mara yakwanza na...

Biashara

Shinda zawadi kibao ukibashiri na USSD mechi za EURO

Spread the love  Michuano ya EURO inatarajiwa kuanza leo hii ambapo Meridianbet...

BiasharaHabari MchanganyikoHabari za Siasa

Mataifa Afrika Mashariki yawasilisha bajeti 2024/2025 inayolenga kukuza uchumi

Spread the loveMataifa manne ya Afrika Mashariki jana Alhamisi yamewasilisha bungeni bajeti...

Biashara

Ushindi rahisi ukicheza Aviator, kasino mtandaoni 

Spread the love  KUNA ile michezo mingine ya kasino, halafu kuna Aviator...

error: Content is protected !!