Wednesday , 8 February 2023
Home Gazeti Habari Serikali ya Tanzania kujenga shule 1,000 za sekondari
Habari

Serikali ya Tanzania kujenga shule 1,000 za sekondari

Ujenzi wa Madarasa shule ya Msingi King'ongo ukiendelea
Spread the love

 

SERIKALI ya Tanzania inampango wa kujenga shule 26 za wasichana na shule 1,000 za sekondari kwenye kata zisizo na shule hizo. Anaripoti Patricia Kighono, TUDARCo…(endelea).

Pia, itafanya upanuzi wa shule za sekondari 100 kuweza kupokea wanafunzi zaidi wa kidato cha tano na sita.

Hayo yamesemwa na Naibu Waziri wa Tamisemi, David Silinde leo Alhamisi, tarehe 9 Septemba 2021, wakati akijibu swali la Mbunge wa Singida Mashariki (CCM), Miraji Mataturu.

Mtaturi ameulia ni lini serikali itajenga shule ya sekondari ya kidato cha tano na cha sita Mungaa ambayo ni ahadi ya Rais Samia Suluhu Hassan aliyoitoa kipindi cha kampeni mwaka 2020 alipopita jimbo la singida mashariki.

Akijibu swali hilo, Silinde amesema serikali inampango wa kujenga shule 26 za wasichana, moja katika kila mkoa na ujenzi wa shule 1000 za sakondari kwenye kata zisizo na shule za sekondari ili kupunguza msongamano wa wanafunzi darasani na vikwazo hususani watoto wa kike kutembea umbali mrefu.

Silinde amesema, serikali itafanya upanuzi wa shule za sekondari 100 kuweza kupokea wanafunzi zaidi wa kidato cha tano.

Pia amesema serikali imetenga kiasi cha Sh.220 bilioni kwa ajili ya ujenzi na upanuzi wa shule za sekondari ambao utafanyika kwa awamu. Awamu ya kwanza itaanza mwaka wa fedha 2021/2022. Kabla ya ujenzi kuanza serikali itafanya tathmini ya maeneo yaliyotengwa kwa ajili ya ujenzi huo ikiwemo shule ya sekondari Mungaa.

1 Comment

Leave a Reply

Your email address will not be published. Required fields are marked *

Related Articles

HabariHabari Mchanganyiko

CRB yashtukia makandarasi wanaofanya ubia wa ujanja ujanja, yasema watakaobainika kuchukuliwa hatua kali

Spread the love  BODI ya Usajili wa Makandarasi (CRB), imeonya makandarasi wanaofanya...

HabariKimataifa

Aliyesomeshwa na mchumba aamuriwa kurudisha Sh 9.4 Mil. baada ya kukataa kuolewa

Spread the love  MWANAMKE mmoja nchini Uganda ambaye aliuumiza moyo wa mchumba...

Habari

Mnyika aacha ujumbe msibani kwa kada wa Chadema aliyefia vitani Ukraine

Spread the loveKATIBU Mkuu wa Chama cha Demokrasia na Maendeleo-Chadema Taifa, John...

HabariHabari Mchanganyiko

Mwili wa kada wa Chadema aliyefia vitani Ukraine wawasili, kuzikwa Mbeya

Spread the loveMWILI wa Kada wa Chama cha Demokrasia na Maendeleo-Chadema, aliyefia...

error: Content is protected !!