Wednesday , 8 February 2023
Home Gazeti Habari Mchanganyiko Serikali kusamehe kodi simu janja
Habari Mchanganyiko

Serikali kusamehe kodi simu janja

Spread the love

 

SERIKALI ya Tanzania, imepanga kutoa msamaha wa kodi ya ongezeko la thamani (VAT), kwenye simu janja za mkononi, vishikwambi (Tablets) na modemu, ili kuhamasisha matumizi ya huduma za mawasiliano. Anaripoti Regina Mkonde, Dar es Salaam…(endelea).

Taarifa hiyo imetolewa leo Alhamisi, tarehe 10 Juni 2021 na waziri wa Fedha na Mipango, Dk. Mwigulu Nchemba, akiwasilisha Bajeti Kuu ya Serikali kwa 2021/22, bungeni jijini Dodoma.

Dk. Mwigulu amesema, hatua hiyo imechukuliwa ili kufikia lengo la asilimia 80, ya watumiaji wa intaneti ifikapo 2025, kutoka asilimia 46 iliyopo.

“ Sekta ya mawasiliano imekuwa ikikua vizuri na kuwa kiungo muhimu cha kuongeza wigo wa wananchi, ambao wako kwenye ulimwengu wa kidijitali na kwenye sekta ya fedha (Financial Inclusion). Napendekeza kusamehe VAT, kwenye simu janja za mkononi (smart phones) HS Code 8517.12.00,” amesema Dk. Mwigulu.

Waziri huyo ameongeza “ vishikwambi (Tablets) HS Code 8471.30.00 au 8517.12.00 na modemu (modems) HS Code 8517.62.00 au 8517.69.00. Lengo la hatua hii ni kuhamasisha matumizi ya huduma za mawasiliano, ili kufikia lengo la asilimia 80 ya watumiaji wa intaneti ifikapo mwaka 2025.”

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

Washindi saba safarini Dubai NMB MastaBata ‘Kote Kote’

Spread the loveKAMPENI ya kuhamasisha matumizi ya Mastercard na QR Code ‘Lipa...

Habari Mchanganyiko

Bodi ya Maji Wami Ruvu kuchimba visima 10 kupunguza uhaba maji mikoa mitatu

Spread the love  BODI ya Maji ya Bonde la Wami Ruvu imesema...

Habari Mchanganyiko

NBC Dodoma International Marathon kutimua vumbi Julai 23

Spread the loveBENKI ya Taifa ya Biashara (NBC) imetanganza msimu wa nne...

Habari Mchanganyiko

NMB wadhamini wiki ya usalama barabarani

Spread the loveBENKI ya NMB ni miongoni mwa wadhamini wa Wiki ya...

error: Content is protected !!