Sunday , 25 February 2024
Home Habari Mchanganyiko Sangara wazidi kuwa ‘adimu’ Mwanza
Habari Mchanganyiko

Sangara wazidi kuwa ‘adimu’ Mwanza

Wavuvi wakiwa katika harakati za kutafuta Samaki Ziwa Victoria
Spread the love

UZALISHAJI wa Samaki katika Kiwanda cha Tanzania Fish Processors Limited (TFP), jijini Mwanza, kinachojihusisha na uchakataji wa minofu ya samaki aina ya Sangara umeshuka kutoka tani 120 kwa siku hadi Tani 25, anaandika Moses Mseti.

Kushuka kwa uzalishaji wa samaki katika kiwanda hicho kunatokana na ukosefu wa malighafi ya samaki, unaochangiwa na uvuvi haramu katika Ziwa Victoria.

Godfrey Samwel Meneja rasilimali watu wa kiwanda hichoameiambia Kamati ya Bunge Viwanda, Biashara na Mazingira iliyotembelea kiwandani hapo kuwa kushuka kwa uzalishaji huo kutachangia kushuka kwa mapato ambapo mwaka 2016 kiwanda hicho mapato kiliingiza Dola za Kimarekani 30 millioni.

Kiwanda hicho kilichosajiliwa mwaka 1992 na kuanza shughuli zake mwaka 1996, kimelazimika kutembelea sehemu mbalimbali na kutoa elimu kuhusu madhara ya uvuvi haramu na namna ya kupata mavuno bora ya samaki ili kukabiliana na tatizo la kupungua kwa samaki.

“Kiwanda hiki kimetoa ajira kwa watu 300, lakini pia kimekuwa kikijihusisha na utunzaji wa mazingira na tunazingatia sheria zote za nchi na za kimataifa katika utunzaji wa mazingira na kuzalisha taka ngumu na majitaka,” amesema Samwel.

Dalaly Kafumu, Mwenyekiti wa Kamati ya Bunge, Viwanda, Biashara na Mazingira, amekitaka kiwanda hicho kuongeza juhudi  katika utunzaji wa mazingira huku akidai Serikali inaendelea na jitihada za kupambana na uvuvi haramu ili kuongeza uzalishaji katika viwanda vinavyochakata Samaki nchini.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoTangulizi

25 wafariki dunia katika ajali Arusha

Spread the loveWatu 25 wamefariki dunia papo hapo mkoani Arusha katika ajali...

Habari Mchanganyiko

“Jamii ielimishwe faida za uhifadhi”

Spread the loveWIZARA ya Maliasili na Utalii imesema ili kukabiliana na migongano...

Habari Mchanganyiko

Shahidi aeleza Nathwani alivyomshambulia jirani yake

Spread the loveSHAHIDI ambaye ni fundi Seremala, Dominic Mpakani (43) ameileza mahakama...

Habari Mchanganyiko

DCEA, TAKUKURU waunganisha nguvu kupamba na dawa za kulevya, rushwa

Spread the love  MAMLAKA ya Kudhibiti na Kupambana na Dawa za Kulevya...

error: Content is protected !!