Wednesday , 8 February 2023
Home Gazeti Habari za Siasa RC Hapi awachongea wakuu wa idara kwa Rais Samia
Habari za Siasa

RC Hapi awachongea wakuu wa idara kwa Rais Samia

Spread the love

 

MKUU wa Mkoa wa Mara (RC), Ally Hapi amemwomba Rais wa Tanzania, Samia Suluhu Hassan kufumua wakuu wa idara mkoani humo wanakwamisha wakurugenzi kwani “wananuka rushwa.” Anaripoti Mwandishi Wetu, Mara … (endelea).

Hapi amesema hayo leo Jumapili, tarehe 6 Februari 2022, mbele ya Rais Samia aliyetembelea ujenzi wa Hospitali ya Kumbukumbu ya Mwalimu Julius Kambarage Nyerere, Musoma mkoani Mara.

Amesema, tangu alipomteua kuwa mkuu wa mkoa huo, alikutana na changamoto katika halmashauri za Tarime Vijijini, Bunda na Musoma Vijijini ambako miradi ya maendeleo ilikuwa haifanyiki.

“Tarime walikuwa wanapewa fedha kutoka mgodini, fedha zinakwenda na miradi haifanyiki, Bunda kulikuwa na ujenzi wa makao makuu ya halmashauri, wazabuni wamelipwa zaidi ya Sh.400 lakini vifaa havikapelekwa sababu hawana pa kuziweka,” amesema.

“Mheshimiwa Rais, tunakushuruku ulituletea wakurugenzi wapya katika maeneo yote haya, lakini tuna wakuu wa idara ambao bado wako kwenye mfumo uleule wa upigaji,” amesema

RC Hapi amesema, “Mheshimiwa Rais bila kufumua…watu wa manunuzi, mipango, hawa Ma DMO wametengeneza urafiki na hawa wa manunuzi.”

“Mkurugenzi kila ukimwelekeza anakutana na hawa wakuu wa idara, ni walewale waliofisadi miradi ya maendeleo. Tumebadili wakurugenzi, wakuu wa wilaya lakini wakuu hawa wa idara wananuka rushwa, wana urasimu mkubwa na wanakumbatia ufisadi. Tunaoma utusaidie katika hili ili,” amesema Hapi huku wananchi wakishangiliwa

Naye Mbunge wa Tarime Vijijini (CCM), Mwita Waitara amemwomba Rais Samia kufanyika kwa ukaguzi maalum hatika halmashauri kwani kuna ufisadi wa kutosha kwenye eneo hilo.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Jaji Biswalo aendelea kung’ang’aniwa fedha za ‘Plea Bargaining’, CUF wataka ajiuzulu

Spread the love  CHAMA cha Wananchi (CUF), kimemtaka aliyekuwa Mkurugenzi wa Mashtaka...

Habari za Siasa

Bunge labaini madudu mfumo ukusanyaji mapato, h’shauri tatu kikaangoni

Spread the love  KAMATI ya Kudumu ya Bunge ya Hesabu za Serikali...

Habari za Siasa

Mkuu wa wilaya ya Rungwe azindua vyumba sita vya madarasa vya thamani ya 64 mil

Spread the love  MKUU wa Wilaya ya Rungwe, Jaffar Haniu amezindua vyumba...

Habari za Siasa

Mbunge afurahia mabilioni ya Samia kutua jimboni

Spread the love  MBUNGE wa Igunga, Nicholas Ngassa ameishukuru Serikali kwa utekelezaji...

error: Content is protected !!