Rais Trump atembeza bakuli

RAIS wa Marekani, Donald Trump ameomba ufadhili kwa ajili ya ujenzi wa ukuta ili kusaidia kuwafukuza wahamiaji kutoka nchini Mexico.

Mwezi uliopita alifuta mpango wa rais wa zamani wa Marekani Barack Obama uliofahamika kama “Dreamer” ambao ulikuwa unawalinda wahamiaji 690,000.

Hata hivyo, wanademokrat wenye ushawishi katika Bunge wamekataa mapendekezo hayo mapya.

Rais Trump aliliambia Bunge la Congress lililo na wabunge wengi kutoka chama cha Republican wengi kuwa lina miezi sita kukubaliana kuhusu sheria ya kuwasaidia Dreamers.

Hawa ni vijana ambao walipelekwa nchini Marekani kinyume cha sheria kama watoto na hivyo wanakabiliwa na hatua ya kufuzwa kutoka nchini humo.

Chini ya sera za Obama, vijana hao walikuwa na uwezo wa kuomba vibali vya kufanya kazi na kusoma, lakini wakosoaji wanasema kuwa mpango huo ni sawa na kuwapa kinga wahamiaji haramu.

Tangu mpango huo uanze kutekelekwa karibu hali ya wahamiaji 100,000 imebadilika kati ya karibu wahamiaji 690,000.