Friday , 3 February 2023
Home Gazeti Habari za Siasa Rais Samia atua Malawi, kushiriki mkutano SADC
Habari za Siasa

Rais Samia atua Malawi, kushiriki mkutano SADC

Spread the love

 

RAIS wa Tanzania, Samia Suluhu Hassan, leo Jumatatu tarehe 16 Agosti, 2021 amewasili Lilongwe nchini Malawi kushiriki Mkutano wa 41 wa Wakuu wa Nchi na Serikali wa Jumuiya ya Maendeleo Kusini mwa Afrika (SADC). Anaripoti Mwandishi Wetu, Dar es Salaam … (endelea).

Mkutano huo utaanza kesho Jumanne 17-18 Agosti 2021.

Mara baada ya kuwasili katika Uwanja wa Ndege wa Kimataifa wa Kamuzu, Rais Samia amepokelewa na Patricia Kaliati, Waziri wa Maendeleo na Ustawi wa Jamii wa Malawi.

Katika Mkutano huo wa 41 wa Wakuu wa Nchi na Serikali wa SADC, Jamhuri ya Malawi itathibitishwa kuwa Mwenyekiti wa SADC kwa kipindi cha mwaka mmoja (Agosti 2021 – Agosti 2022).

Aidha, Wakuu hao wa Nchi na Serikali watamthibitisha Katibu Mtendaji mpya wa SADC baada ya Katibu Mtendaji aliyepo Dk. Stergomena Tax kumaliza muda wake baada ya kuhudumu kwa ufanisi nafasi hiyo kwa kipindi cha miaka nane.

Wakuu hao wa Nchi na Serikali wa SADC pia wanatarajiwa kujadili masuala mbalimbali ya Mtangamano pamoja na kuidhinisha kauli mbiu ya Jumuiya hiyo.

Taarifa ya kuwasili kwa Rais Samia imetolewa na Jaffar Haniu, Mkurugenzi wa Mawasiliano ya Rais, Ikulu.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Vijana ACT-Wazalendo Dar wampa tano Rais Samia

Spread the love  NGOME ya Vijana ya Chama cha ACT-Wazalendo, kimempongeza Rais...

Habari za Siasa

ACT-Wazalendo yaiangukia Serikali kunusuru wananchi Liwale, Nachingwea

Spread the love  CHAMA cha ACT-Wazalendo, kimeitaka Serikali kuchukua hatua za haraka...

Habari za SiasaTangulizi

Vigogo wanaokwamisha mradi Liganga na Mchuchuma kitanzani

Spread the love  NAIBU Spika wa Bunge, Mussa Zungu, watu wanaokwamisha utekelezaji...

Habari za Siasa

Gridi ya Taifa kufumuliwa kukabiliana na katizo la mgao wa umeme

Spread the love  WAZIRI wa Nishati, Januari Makamba, amesema Serikali ina mpango...

error: Content is protected !!