June 21, 2021

Uhuru hauna Mipaka

Rais Samia atoa onyo watumishi wa umma, binafsi

Spread the love

 

RAIS wa Tanzania, Samia Suluhu Hassan, amewataka watumishi wa umma na wafanyakazi wa sekta binafsi, kuwa waaminifu kwa kuridhika na vipato halali wanavyopata. Anaripoti Regina Mkonde, Dar es Salaam … (endelea).

Rais Samia ametoa wito huo leo Ijumaa, tarehe 14 Mei 2021, katika Baraza la Eid El-Fitr, lililofanyika Kitaifa, viwanja vya Karimjee jijini Dar es Salaam.

Amewataka wafanyakazi hao kujiupusha na vitendo vya rushwa, wizi na urasimu, kama walivyojiepusha katika kipindi cha mwezi Mtukufu wa Ramadhani, waendelee vivyo hivyo.

“Nawasihi matendo mema yasiishie jana mwezi ulivyoandama, tuendeleze kufanya matendo mema yenye kumfurahisha Mungu na kuacha mabaya yenye kumchukiza Mungu.”

“Na katika hili, nawasihi sana watumishi wa Serikali na biafsi kuhakikisha wanafanya kazi kwa bidii na kupata kipato halali. Wajiepushe na vitendo vya wizi, rushwa, ubadhirifu na urasimu,” amesema Rais Samia.

Pia, kiongozi huyo, amewataka wafanyabiashara nchini, kulipa kodi stahiki kwa ajili ya kuiwezesha Serikali kupata fedha za kuwahudumia wananchi.

“Kwa upande wa wafanyabaishara, nawahimiza kulipa kodi stahiki kwa Serikali, si haki wala uungwana kutolipa kodi. Wafanyabiashara kukwepa kulipa kodi kutafanya hospitali kukosa dawa na kusababisha vifo, watumishi kukosa mishahara kwa wakati na wanafunzi kukosa elimu bure,” amesema Rais Samia.

error: Content is protected !!