Friday , 3 February 2023
Home Gazeti Habari za Siasa Rais Samia ateua RC, Jaji kesi ya kina Mbowe
Habari za Siasa

Rais Samia ateua RC, Jaji kesi ya kina Mbowe

Spread the love

 

RAIS wa Tanzania, Samia Suluhu Hassan amefanya uteuzi wa viongozi mbalimbali akiwemo Jaji Mustapha Siyani kuwa Jaji Kiongozi. Anaripoti Mwandishi Wetu, Dar es Salaam … (endelea).

Uteuzi huo umetangazwa leo Ijumaa, tarehe 8 Oktoba 2021 na Jaffar Haniu, Mkurugenzi wa Mawasiliano ya Rais Ikulu ya Tanzania.

Jaji Siyani anachukua nafasi iliyoachwa wazo na Eliezer Feleshi ambaye aliteuliwa hivi karibuni kuwa Mwanasheria Mkuu wa Serikali (AG).

Kabla ya uteuzi huo, Siyani alikuwa Jaji Mfawidhi wa Mahakama Kuu, Kanda ya Dodoma.

Aidha, Jaji Siyani ndiye anayesikiliza kesi ya uhujumu uchumi yenye mashtaka ya ugaidi inayomkabili, Mwenyekiti wa Chadema, Freeman Mbowe na wenzake watatu.

Rais wa Tanzania, Samia Suluhu Hassan

Jaji Siyani alianza kusikiliza kesi hiyo baada ya Mbowe kumtaka Jaji Elinaza Luvanda aliyekuwa akiisikiliza kujitoa kwani walihisi hatowatendea haki naye akakubali akajitoa.

Ameteuliwa kipindi ambacho kesi ndogo ndani ya kesi kubwa ilikuwa imefungwa ushahidi na uamuzi wake umepangwa kutolewa tarehe 19 Oktoba 2021, Mahakama Kuu, Divisheni ya Rushwa na Uhujimu Uchumi, iliyopo Mawasiliano jijini Dar es Salaam.

Taarifa hiyo ya uteuzi, imeeleza Rais Samia amemteua Omar Othuman Makungu kuwa Jaji wa Mahakama ya Rufani.

Kabla ya uteuzi huo, Makungu alikuwa Jaji Mkuu wa Zanzibar.

Pia, Rais Samia amemteua Mkuu wa Wilaya ya Arusha, Sophia Mjema kuwa Mkuu wa Mkoa wa Shinyanga.

Mjema anachukua nafasi ya Dk. Philemon Sengati ambaye uteuzi wake umetenguliwa.

Wateule wote hao, wataapishwa Jumatatu, tarehe 11 Oktoba 2021, Ikulu ya Chamwino, mkoani Dodoma.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Vijana ACT-Wazalendo Dar wampa tano Rais Samia

Spread the love  NGOME ya Vijana ya Chama cha ACT-Wazalendo, kimempongeza Rais...

Habari za Siasa

ACT-Wazalendo yaiangukia Serikali kunusuru wananchi Liwale, Nachingwea

Spread the love  CHAMA cha ACT-Wazalendo, kimeitaka Serikali kuchukua hatua za haraka...

Habari za SiasaTangulizi

Vigogo wanaokwamisha mradi Liganga na Mchuchuma kitanzani

Spread the love  NAIBU Spika wa Bunge, Mussa Zungu, watu wanaokwamisha utekelezaji...

Habari za Siasa

Gridi ya Taifa kufumuliwa kukabiliana na katizo la mgao wa umeme

Spread the love  WAZIRI wa Nishati, Januari Makamba, amesema Serikali ina mpango...

error: Content is protected !!