Rais Samia atengua wawili, Mchechu wa NHC awa Msajili wa Hazina

Mwandishi WetuFebruary 24, 20231 Mins read1k Views

Nehemiah Mchechu, Aliyekuwa Mkurugenzi Mkuu wa Shirika la Nyumba la Taifa (NHC)

Spread the love

RAIS wa Jamhuri ya Muungano wa Tanzania, Samia Suluhu Hassan, ametengua uteuzi wa Msajili wa Hazina, Mgonya Benedicto na Mkurugenzi Mtendaji wa Shirika la Maendeleo ya Petroli Tanzania (TPDC), Dk. James Mataragio. Anaripoti Mwandishi Wetu, Dar es Salaam … (endelea).

Taarifa iliyotolewa leo Ijumaa tarehe 24 Februari 2023 na Mkurugenzi wa Mawasiliano ya Rais Ikulu, Zuhura Yunus, imeeleza kuwa wawili hao watapangiwa nafasi zingine.

Kwa mujibu wa taarifa hiyo, Rais Samia amemteua aliyekuwa Mkurugenzi Mkuu wa Shirika la Nyumba la Taifa, Nehemia Mchechu kuwa Msajili wa Hazina akichukua nafasi ya Benedicto.

Pia Rais Samia amemteua Mussa Mohammed Makame, kuwa Mkurugenzi Mtendaji wa TPDC akichukua nafasi ya Dk Mataragio. Kabla ya uteuzi huo, Makame alikuwa Mjumbe wa Bodi ya Wakurugenzi wa Shirika la Maendeleo ya Petroli Tanzania (TPDC), na pia ni Mshauri Mwelekezi wa masuala ya mafuta na gesi nchini Tanzania.

Aidha Rais Samia amemteua Hamad Abdallah, kuwa Mkurugenzi Mkuu wa Shirika la Nyumba la Taifa (NHC) akichukua nafasi ya Mchechu ambaye ameteuliwa kuwa Msajili wa Hazina. Kabla ya uteuzi huo, Abdallah alikuwa Mkurugenzi Mtendaji wa Gimcoafrica Limited.

Previous post Vijana ACT-Wazalendo: Ukosefu ajira ni hatari zaidi ya UVIKO-19

Next post Mwanajeshi aliyemsukuma Trafiki kwa gari kizimbani

1 Comment

Ben Barka says:

February 24, 2023 at 3:36 pm

Rais Samia bila shaka alijua kuwa Mchechu alitenguliwa kutoka NHC na JPM hata hivyo akamrejesha. Bila shaka angeangalia mafaili ya siri angegundua sababu ya Mchechu kuenguliuwa. Iweje tena amrejeshe NHC??? Lazima JPM alikuwa na sababu a Samia alijua hayo lakini Samia alidharau. Sasa anamuengua kutoka NHC