Wednesday , 8 February 2023
Home Gazeti Habari za Siasa Rais Samia asamehe wafungwa 5,001
Habari za Siasa

Rais Samia asamehe wafungwa 5,001

Rais wa Tanzania, Samia Suluhu Hassan
Spread the love

 

RAIS wa Tanzania, Samia Suluhu Hassan, ametoa msamaha kwa wafungwa 5,001 waliokuwa wakikabiliwa na adhabu ya vifungo mbalimbali. Anaripoti Mwandishi Wetu, Dar es Salaam … (endelea).

Msamaha huo, unakwenda sambamba na maadhimisho ya miaka 57 ya Muungano wa Tanganyika na Zanzibar, uliozaa Jamhuri ya Muungano wa Tanzania, ambao ulifanyika tarehe 26 Aprili 1964.

Taarifa iliyotolewa leo Jumatatu, tarehe 26 Aprili 2021 na Gerson Msigwa, Mkurugenzi wa Mawasiliano ya Rais Ikulu, imesema, miongoni mwa wafungwa hao, 1,516 wameachiwa huru baada ya kupunguziwa robo ya adhabu zao badala ya punguzo la kawaida la theluthi moja linalotolewa chini ya kifungu cha Sheria ya Magereza sura ya 58.

Amesema, wafungwa 3,485 wamepunguziwa robo ya adhabu zao badala ya punguzo la kawaida la theluthi moja linalotolewa chini ya kifungu cha 49 (1) cha Sheria ya Magereza sura ya 58.

Msigwa amesema, wafungwa 3,485 waliopunguziwa adhabu zao wataendelea kutumikia sehemu ya kifungo iliyobaki.

Rais Samia amewataka wafungwa wote walioachiwa huru, kutumia vyema mafunzo waliyoyapata wakiwa gerezani na waungane na wananchi wenzao katika ujenzi wa Taifa huku wakiheshimu na kuzingatia sheria.

Aidha, Rais Samia, amewatakia heri Watanzania wote katika maadhimisho ya miaka 57 ya Muungano na amewataka kutumia siku hii kutafakari juhudi mbalimbali zilizofanyika katika ujenzi wa Taifa na wajibu wa kila mmoja katika kuendelea kujenga Taifa imara.

Ameahidi kuendelea kuuenzi, kuulinda na kuundeleza Muungano wa Tanganyika na Zanzibar kwa manufaa ya Watanzania wa pande zote mbili.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Bunge labaini madudu mfumo ukusanyaji mapato, h’shauri tatu kikaangoni

Spread the love  KAMATI ya Kudumu ya Bunge ya Hesabu za Serikali...

Habari za Siasa

Mkuu wa wilaya ya Rungwe azindua vyumba sita vya madarasa vya thamani ya 64 mil

Spread the love  MKUU wa Wilaya ya Rungwe, Jaffar Haniu amezindua vyumba...

Habari za Siasa

Mbunge afurahia mabilioni ya Samia kutua jimboni

Spread the love  MBUNGE wa Igunga, Nicholas Ngassa ameishukuru Serikali kwa utekelezaji...

Habari za Siasa

PIC yaishauri Serikali kuanzisha mfuko wa uwekezaji kusaidia mashirika ya umma

Spread the love  KAMATI ya Kudumu ya Bunge ya Uwekezaji wa Mitaji...

error: Content is protected !!