May 26, 2022

Uhuru hauna Mipaka

Rais Samia apokea kombe la CECAFA, ataka bursa itumike michuano kombe la Dunia

Rais Samia Suluhu Hassan (kushoto) akishuhudia mchezo kati ya Simba na Yanga

Spread the love

 

Rais wa Jamhuri ya Muungano wa Tanzania Samia Suluhu Hassan, amewataka wafanya biashara nchini pamoja na sekta binafsi nchini, kuchangamkia fursa kwenye michuano ya kombe Dunia 2022, itakayofanyika Qatar. Anaripoti Mwandishi Wetu…(endelea)

Samia ameyasema hayo leo jumapili Agosti 22, Ikulu jijini Dar es Salaam, kwenye hafla ya kupokea kombe la ubingwa wa CECAFA, kwa Timu ya Taifa ya Tanzania chini ya umri wa miaka 23.

Katika hafla hiyo ambayo iliudhuliwa na wachezaji wa Timu ya Taifa ya vijana, pamoja na wageni mbalimbali akiwemo Waziri wa Habari, Sanaa utamaduni na michezo Innocent Bashungwa na Rais wa Shirikisho la Mpira wa Miguu Tanzania (TFF) Wallace Karia.

Kuelekea kwenye michuano hiyo, Mwakani Rais Samia aliwataka wafanya biashara kuangalia fursa mbalimbali zitakazopatikana nchini Qatar ili zinufaishe nchi.

“Kama mnavyofahamu mwakani kutakuwa na mashindao ya kombe la Dunia Qatar, na hapa na Qatar sio mbali, natoa wito kwa wafanyabiashara nchini kuangalia fursa ambazo tutanufaika nazo kama nchi.” alisema  Rais Samia

Aidha Rais Samia aliwapongeza alipongeza timu hiyo ya vijana kwa kufanikisha kutwaa taji hilo na kusema kuwa taji hilo, litakuwa chachu na mwanzo wa kushinda makombe mengine.

“Wakati nikihutubia Bunge mwezi April Mwaka huu, nilisema serikali itakuza michezo nchini na leo ninafuraha kupokea kombe hili la ubingwa Afrika Mashariki na amini hii itakuwa mwanzo wa Safari wa kwenda kuchukua makombe mengine.” Alisema Rais Samia

Timu hiyo ya Taifa ya vijana ilishinda kombe hilo Julai 30, mwaka huu nchini Burundi kwa kuwafunga wenyeji kwenye mchezo wa fainali kwa changamoto ya mikwaju ya penati 6-5.

error: Content is protected !!