Friday , 19 April 2024
Home Habari Mchanganyiko Mwili wa Rais Mkapa kuagwa Uwanja wa Taifa
Habari Mchanganyiko

Mwili wa Rais Mkapa kuagwa Uwanja wa Taifa

Spread the love

MWILI wa Benjamin Mkapa, Rais wa Awamu ya Tatu ataagwa katika Uwanja wa Mpira wa Taifa, jijini Dar es Salaam. Anaripoti Regina Mkonde, Dar es Salaam … (endelea).

Taarifa hiyo imetolewa na Kasim Majaliwa, Waziri Mkuu wakati akizungumza na watu waliofika nyumbani kwa Hayati Mkapa, Masaki, jijini Dar es Salaam leo tarehe 24 Julai 2020.

“Kamati ya mazishi ya serikali inaandaa taratibu zote baada ya kupata taarifa ya familia, tutatoa taarifa ya kitaifa siku ya maombolezo ya kitaifa ambapo awali yatafanyika hapa Dar es Salaam, Uwanja wa Taifa,” amesema Waziri Majaliwa.

Hata hivyo, kwenye taarifa hiyo Waziri Majaliwa hajasema siku wala tarehe ambayo shughuli hiyo ya kuaga mwili wa Mkapa itafanyika.

Saa sita usiku wa kuamkia leo, Rais John Magufuli aliutangazia umma kifo cha Rais Mkapa kilichotokea hospitali alikokuwa amelazwa jijini Dar es Salaam.

Kwenye ukurasa wake wa twitter Rais Magufuli ameandika:- “Nimesikitishwa na kifo cha Mzee wetu Benjamin Mkapa (Rais Mstaafu wa Awamu ya 3). Nitamkumbuka kwa mapenzi yake makubwa kwa Taifa, ucha Mungu, uchapakazi na utendaji wake katika kujenga uchumi. Hakika Taifa limepoteza nguzo imara. Mungu aiweke roho yake mahali pema peponi, Amina.”

Leave a comment

Leave a Reply

Your email address will not be published. Required fields are marked *

Related Articles

BiasharaHabari Mchanganyiko

NMB Pesa Akaunti yawavutia wakaguzi wa ndani Afrika

Spread the loveUbunifu wa bidhaa bora wa Benki ya NMB pamoja na...

Habari Mchanganyiko

Carbon First, Ruangwa wasaini makubaliano ya biashara ya hewa ukaa

Spread the love  KAMPUNI ya Carbon First Tanzania Limited na Halmashauri ya...

Habari Mchanganyiko

CBE yawakumbuka wenye mahitaji maalum Jangwani

Spread the loveCHUO cha Elimu ya Biashara (CBE), kimetoa msaada mbalimbali na...

Habari Mchanganyiko

Mume auwa mke kwa kumchoma visu, ajisalimisha Polisi

Spread the loveJACKSON Kalamji (49), anashikiliwa na Jeshi la Polisi jijini Mwanza,...

error: Content is protected !!