Tuesday , 18 June 2024
Home Gazeti Habari za Siasa Rais Magufuli aikalia kooni Acacia
Habari za SiasaTangulizi

Rais Magufuli aikalia kooni Acacia

Spread the love

RAIS John Magufuli ameapa kuibana kampuni ya uchimbaji madini ya Acacia ili ikamilishe ujenzi wa  mradi wa maji unaojengwa wilayani Tarime mkoa wa Mara unaogharimu kiasi cha Sh. 700 milioni. Anaripoti Regina Kelvin…(endelea).

Wakati akizungumza na Wananchi katika kijiji cha Nyamongo wilayani Tarime mkoa wa Mara leo tarehe 7 Septemba, 2018, Rais Magufuli amesema haiwezekani kampuni hiyo ikapata faida kutokana na uchimbaji madini, halafu ikashindwa kutoa sehemu ya faida hiyo kwa ajili ya kusaidia wananchi husika katika kutatua kero ya maji.

Rais Magufuli amesema kuwa “…Wanachimba hiyo dhahabu kwa sababu ya imani yetu, tukiamua hapa wote hakuna hata gari kuingia, haitaingia. Hata polisi wakija hapa hawataweza kupiga risasi wote, lakini msifanye hivyo.”

Sambamba na hilo, Rais Magufuli amemuagiza Waziri wa Maji na Umwagiliaji, Profesa Makame Mbarawa kuzungumza na kampuni ya Acacia kuhusu utekelezwaji wa mradi huo.

“Huu mradi wa milioni 700 ambao walisema wataleta na hawajaleta, mimi mwenyewe nitadili nao, kwa sababu hakuna mwekezaji aliyekuja kutangaza dini huku.

“Wote wamekuja kuwekeza kwa sababu ya kutafuta faida, sasa hawawezi wakataka faida, hata ile faida kidogo tunayoitaka na yenyewe waichukue, kwa sababu milioni 700 ni kiasi gani kwa mgodi mkubwa unaochukua matrilioni ya fedha? Maji tukose, wao wanakunywa maji ya chupa, hawataki kutupa maji miaka yote wanachukua dhahabu sisi kutupa maji hapana, nasema hili tutalisimamia,” amesema na kuongeza Rais Magufuli.

“Lakini bahati nzuri sasa hivi tumepitisha sheria nzuri ya madini, palikuwa na sheria ya hovyo hovyo ndiyo maana nikasema, tumelaliwa vya kutosha ngoja na sisi tuwalalie, wametugeuza vya kutosha ngoja na sisi tuwageuzie, wametuchezea vya kutosha na sisi lazima tuwachezee.

“Hii mali tumepewa na Mungu na Mungu ndiye alitaka hii mali iwe nyamongo kwa hiyo wale walitakiwa kuyafanya nataka kuwambia watayafanya, kwa hiyo huu mradi wa maji kwa vile ulikuwa ni mradi wao, nitamtuma waziri wa maji akazungumze nao.”

 Rais Magufuli amefikia hatua hiyo baada ya Mkurugenzi Mtendaji wa Wilaya ya Tarime Apoo Tindwa kumueleza kuwa, walikataa kupokea mradi huo kutoka kwa Acacia kutokana na kuwa na mapungufu.

Tindwa alieleza kuwa, mradi huo walipokabidhiwa awali ulikuwa hautoi maji, vile vile uliwekewa umeme wa jua (solar) na kwamba kutokana na hali hiyo walikataa kuupokea hadi pale watakapoweka umeme wa kawaida.

Naye Mkuu wa Mkoa wa Mara, Adam Malima alisema kwamba, mkoa huo una changamoto ya utekelezaji wa miradi ya maji, na kueleza kuwa mradi huo wa Acacia unachunguzwa na Taasisi ya Kuzuia na Kupambana na Rushwa Tanzania (TAKUKURU).

Leave a comment

Leave a Reply

Your email address will not be published. Required fields are marked *

Related Articles

Habari za SiasaTangulizi

Mazingira magumu ya JPM yamechangia ‘Comedy Journalism’

Spread the loveMwenyekiti wa Kamati ya kufuatilia hali ya uchumi wa vyombo...

Habari MchanganyikoHabari za SiasaTangulizi

RC Chalamila: Nimeacha ubabe

Spread the loveMKUU wa Mkoa wa Dar es Salaam, Albert Chamalila amemthibishia...

Habari MchanganyikoHabari za Siasa

Rais Samia atoa ujumbe mzito Sikukuu Eid Al Adha

Spread the loveKATIKA kusherehekea Sikukuu ya Eid Al Adha, Rais wa Tanzania,...

BiasharaHabari za Siasa

Dk. Biteko aipongeza NMB kwa kuanzisha utoaji wa bima ya mifugo

Spread the loveNaibu Waziri Mkuu na Waziri wa Nishati, Dk. Doto Biteko...

error: Content is protected !!