Monday , 30 January 2023
Home Gazeti Habari Rais Dk. Mwinyi: Watanzania tusibaki watazamaji katika uwekezaji
Habari

Rais Dk. Mwinyi: Watanzania tusibaki watazamaji katika uwekezaji

Dk. HUssein Mwinyi, Rais wa Zanzibar
Spread the love

 

RAIS wa Serikali ya Mapinduzi Zanzibar, Dk. Hussein Ali Mwinyi ametoa wito kwa Watanzania kushirikia kikamilifu katika harakati za uwekezaji nchini badala ya kubaki kuwa watazamaji. Anaripoti Mwandishi Wetu … (endelea)

Amesisitiza kuwa viongozi wa Serikali za Jamhuri ya Muungano wa Tanzania na Zanzibar wanapozungumzia uwekezaji isieleweki kuwa wanazungumzia watu kutoka nje tu.

“Tungependa Watanzania na Wazanzibar wakashiriki wasiwe watazamaji, kwa hiyo serikali itachukua kila hatua kuhakikisha wananchi wetu wa ndani wanashiriki kikamilifu na hatubaki kuwa watazamaji,” amesema.

Dk. Mwinyi ametoa kauli hiyo leo tarehe 7 Disemba 2021, Visiwani Zanzibar katika ufunguzi wa kongamano la maonesho ya bidhaa za viwanda.

Kongamano hilo ni maalumu katika kujadili changamoto na mafanikio ya maendeleo ya uwekezaji kwa kipindi cha miaka 60 tangu Tanzania ipate uhuru mwaka 1961.

Pamoja na mambo mengine amewashauri wafanyabiashara wa Tanzania kwamba kupitia jumuiya zao wawe karibu na serikali ili waweze kufanya kazi kwa pamoja.

Amesema Serikali ya awamu ya nane tangu ilipoingia madarakani imechukua jitihada za kuimarisha Mamlaka ya Kukuza Uwekezaji Zanzibar (ZIPA) ili kuongeza ufanisi katika utekelezaji wa majuku yake.

Amesema utendaji wa ZIPA umeimarishwa baada ya kuanzishwa kituo cha pamoja kinachotoa huduma za uwekezaji, zikiwemo zinazohusu vibali vya ukaazi, vibali vya ujenzi, usajili wa makampuni, masuala ya kodi na mazingira.

Amesema hivi sasa ikiwa mwekezaji atakamilisha vema taratibu kabla ya kwenda kituoni ataweza kupata kibali ndani ya siku tatu lakini lengo la Serikali kuhakikisha kibali cha uwekezaji kipatikana ndani ya saa 24.

Aidha, katika suala la kutatua tatizo la upatikanaji wa ardhi kwa ajili ya uwekezaji, Serikali ya Zanzibar inakamilisha zoezi la uwepo wa benki ya ardhi, pamoja na mambo mengine tutabainisha maeneo ardhi yaliyotengwa kwa ajili ya uwekezaji.

“Katika jitihada za kuimarisha uwekezaji Zanzibar, serikali imetangaza fursa za uwekezaji katika visiwa vidogo 10 vilivyopo hapa Zanzibar, zoezei la kuwapata wawekezaji linaendelea.

“Serikali inaendelea kuhamasiasha uwekezaji kati ya serikali na sekta binafsi katika sekta mbalimbali zikiwemo za afya, kilimo, ufugaji, uvuvi, nishati na miundombinu.

“Fursa za uwekezaji zipo pia katika uvuvi wa bahari kuu, viwanda na ujenzi wa nyumba za makazi na biashara,” amesema.

Amesema katika kufanikisha utekelezaji wa uchumi wa bluu ambao ndio ajenda maalumu, serikali inakaribisha wawekezaji mbalimbali katika utekelezaji wa miradi inayohusiana na uchumi huo wa bahari.

Ameitaja miradi hiyo kuwa ni ujenzi wa bandari kubwa ya kisasa ya Mangapwani, ambayo itajumuisha ujenzi wa bandari ya makontena, mafuta na gesi, nafaka na chelezo kwa ajili ya matengenezo ya meli.

Amesema eneo hilo pia litakuwa na mji wa kisasa na huduma mbalimbali.

Aidha, katika kuendeleza uchumi wa bahari tunawakaribisha wawekezaji kuja kuwekeza kwenye sekta ya utalii ambayo ina fursa nyingi hapa Zanzibar.

Amesema jitihada kama hizo za kuimarisha mazingira ya uwekezaji pia zinafanywa upande wa Bara.

Leave a comment

Leave a Reply

Your email address will not be published. Required fields are marked *

Related Articles

HabariHabari Mchanganyiko

CRB yashtukia makandarasi wanaofanya ubia wa ujanja ujanja, yasema watakaobainika kuchukuliwa hatua kali

Spread the love  BODI ya Usajili wa Makandarasi (CRB), imeonya makandarasi wanaofanya...

HabariKimataifa

Aliyesomeshwa na mchumba aamuriwa kurudisha Sh 9.4 Mil. baada ya kukataa kuolewa

Spread the love  MWANAMKE mmoja nchini Uganda ambaye aliuumiza moyo wa mchumba...

Habari

Mnyika aacha ujumbe msibani kwa kada wa Chadema aliyefia vitani Ukraine

Spread the loveKATIBU Mkuu wa Chama cha Demokrasia na Maendeleo-Chadema Taifa, John...

HabariHabari Mchanganyiko

Mwili wa kada wa Chadema aliyefia vitani Ukraine wawasili, kuzikwa Mbeya

Spread the loveMWILI wa Kada wa Chama cha Demokrasia na Maendeleo-Chadema, aliyefia...

error: Content is protected !!