Monday , 4 March 2024
Home Habari Mchanganyiko Profesa Mukandala aburuzwa kortini 
Habari Mchanganyiko

Profesa Mukandala aburuzwa kortini 

Prof. Rwekaza Mukandala, Makamu Mkuu wa Chuo Kikuu cha Dar es Salaam
Spread the love

ALIYEKUWA mwanafunzi wa Chuo Kikuu cha Dar es Salaa, Alphonce Lusako, amemburuza mahakamani, Makamu Mkuu wa  chuo hicho, Profesa Rwekaza Mukandala akimtuhumu kumkatisha masomo bila kufuata utaratibu, anaandika Hellen Sisya.

Mukandala anatuhumiwa kutumia madaraka yake vibaya na kumfukuza chuo Lusako ambaye inadaiwa alifukuzwa chuoni hapo pasipo kufuata taratibu za kisheria.

Katika kesi hiyo ya madai namba 71 ya mwaka 2017 ambayo imetajwa leo hii mbele ya Hakimu  Oswad wa mahakama ya wilaya Kinondoni jijini Dar es salaam .

Lusako anaiomba mahakama itoe adhabu kwa Profesa Mukandala pamoja na chuo hicho ya kumlipa Sh. millioni 600 kama fidia kwa kuwa wamemshushia heshima katika jamii pamoja na kumkosesha nafasi ya kupata elimu tangu mwaka 2012.

Mbali na kiasi hicho cha pesa, Lusako pia anawadai fidia ya Sh millioni tano, kwa ajili ya gharama zote ambazo alizotumia kwa ajili ya ada pamoja na pesa ya matumizi  binafsi akiwa chuoni hapo tangu mwaka jana mwishoni mpaka mapema mwaka huu alipofukuzwa.

Kesi hiyo inatarajiwa kutajwa tena  Septemba 7  mwaka huu ambapo  Lusako anawakilishwa na wakili msomi Seka John na kwa upande wa Profesa  Mukandala pamoja na chuo wanawakilishwa na wakili msomi Zabibu Abdalaah.

Lusako alifukuzwa chuoni hapo kwa mara ya kwanza  mwaka 2012 akituhumiwa kufanya kosa la kinidhamu ambapo baada ya kukaa nyumbani kwa takribani miaka mitano, hatimaye October mwaka jana alifanikiwa tena kupata nafasi ya kuendelea na masomo yake ya elimu ya juu chuoni.

Alikuwa akisoma shahada ya sheria, lakini mapema mwaka huu chuo hicho kilimfukuza tena kwa mara ya pili kwa madai kuwa alikuwa amedahiliwa chuoni hapo kimakosa.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

TEF yaomboleza kifo cha Mzee Mwinyi

Spread the loveJukwaa la Wahariri Tanzania (TEF) limeeleza kupokea kwa masikitiko taarifa...

AfyaHabari Mchanganyiko

Maambukizi ya UKIMWI Lindi yapungua

Spread the loveMaambukizi ya Virusi vya UKIMWI yamepungua katika Manispaa ya Mkoa...

Habari MchanganyikoHabari za Siasa

Mgomo kitita kipya cha NHIF: Serikali yaita hopsitali binafsi mezani

Spread the loveSERIKALI imekiita mezani Chama cha Wenye Hospitali Binafsi (APHFTA), ili...

Habari Mchanganyiko

Karafuu, Parachichi yawa fursa Morogoro

Spread the loveIMEELEZWA kuwa zao la karafuu ambalo kwa sasa linalimwa pia...

error: Content is protected !!