Profesa Assad aeleza siri ya jina lake

ALIYEWAHI kuwa Mdhibiti na Mkaguzi Mkuu wa Serikali ya Tanzania (CAG), Profesa Mussa Assad amesema, amekuwa anatumia jina la Mussa ambalo si la kwake kwa kipindi kirefu. Anaripoti Danson Kaijage, Dodoma … (endelea).

Leo Jumatano, tarehe 6 Oktoba 2021 jijini Dodoma, akizungumza katika mdahalo wa kuchambua Kitabu cha Rai ya Jenerali Ulimwengu na masuala ya Katiba, alianza kwa kusema “leo nitazungumza kitu ambacho sijawahi kukusema popote.”

Katika mdahalo huo ulioandaliwa na Kituo cha Sheria na Haki za Binadamu (LHRC), Profesa Assad baada ya kukaribishwa kusema machache, alianza kwa kushukuru kwa fursa hiyo ya kualikwa kuwa mmoja wa wazungumzaji.

Profesa Assad amesema, ningependa niseme jambo ambalo sijawahi kulisema popote, “Mussa si jina langu mimi, jina alilonipa baba yangu ni Jaffar.”

“Wakati nasoma, kipindi kile kulitokea matatizo fulani fulani, ikabidi nitoke sehemu moja kwenda nyingine ili kumaliza masomo na hili jina la Mussa nikalipata huko ila watu wanaonifahamu wananijua kama Jaffar.”