Sunday , 19 May 2024
Home Habari Mchanganyiko Prof. Baregu afariki dunia
Habari MchanganyikoTangulizi

Prof. Baregu afariki dunia

Spread the love

 

MWANAZUONI na mwanasiasa mahiri nchini Tanzania, Prof. Mwesiga Baregu, amefariki dunia, usiku wa kuamkia leo Jumapili, tarehe 13 Juni, 2021, katika Hospitali ya Taifa Muhimbili, alikokuwa akipatiwa matibabu. Anaripoti Saed Kubenea, Dar es Salaam … (endelea).

Taarifa zilizothibitishwa na mmoja wa wanafamilia yake zinasema, Prof. Baregu amekutwa na mauti, alfajiri ya leo. Mipango ya mazishi inafanyika nyumbani kwake, Kunduchi, mkoani Dar es Salaam.

Katika kipindi cha uhai wake, Prof. Baregu, alikuwa mhadhiri katika chuo kikuu cha Dar es Salaam (UDSM), Idara ya Sayansi ya Siasa.

Aidha, Prof. Baregu aliwahi kuwa Mjumbe wa Tume ya Mabadiliko ya Katiba na Mjumbe wa Kamati Kuu (CC) ya Chama cha Demokrasia na Maendeleo (Chadema).

Mwaka 1995 hadi 1997, Prof. Baregu alikuwa mwanachama na mshauri wa Augustino Lyatonga Mrema, wakati mwanasiasa huyo alipokuwa mwenyekiti wa NCCR- Mageuzi na mgombea urais wa Jamhuri ya Muungano.

Prof. Baregu alijiondoa kwenye kazi ya kumshauri Mrema, baada ya kujiridhisha kuwa aliyepewa kazi ya kumshauri, “ana washauri wengine, wanaofanya kazi ileile.”

Kwa takribani miaka miwili sasa, Prof. Baregu amekuwa mgonjwa. Alipata maradhi ya kiharusi mara mbili na kutibiwa katika hospitali hiyo na maeneo mengine mbalimbali. Mwenyezi Mungu amlaze mahali pema peponi – Amin.

2 Comments

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

CCM yamteua Pele kuwa mgombea ubunge Kwahani

Spread the loveKamati Kuu ya Halmashauri Kuu ya Chama Cha Mapinduzi (CCM)...

BiasharaHabari Mchanganyiko

Canada yatenga bilioni 38 kutekeleza mradi ya kuinua vijana TZ

Spread the loveSERIKALI ya Canada kupitia ‘CARE International Canada’ imetenga takribani Sh...

Habari MchanganyikoHabari za Siasa

Ujenzi kituo cha kupoza umeme Chalinze wafikia asilimia 93.7

Spread the loveKamati ya Kudumu ya Bunge ya Nishati na Madini imeeleza...

Habari Mchanganyiko

Balile ateuliwa rais wa wahariri Afrika Mashariki

Spread the loveJumuiya ya Wahariri wa Afrika Mashariki (EAES), imemchagua Mwenyekiti wa...

error: Content is protected !!