Wednesday , 8 February 2023
Home Gazeti Habari za Siasa Panda, shuka ya Diwani Athuman kabla na baada ya kung’olewa Ikulu
Habari za SiasaMakala & UchambuziTangulizi

Panda, shuka ya Diwani Athuman kabla na baada ya kung’olewa Ikulu

Spread the love

 

HUENDA tarehe 5 Januari 2023, ikawa ni siku chungu kwa Kamishna Diwani Athuman, baada ya Rais Samia Suluhu Hassan kutengua uteuzi wake ikiwa ni siku mbili tu tangu amteue kuwa Katibu Mkuu Ikulu baada ya kumtoa kuwa Mkurugenzi Mkuu wa Idara ya Usalama wa Taifa (TISS), na kuendelea kuifanya safari yake ya uongozi kuwa yam ilima na mabonde. Anaripoti Mwandishi Wetu, Dar es Salaam … (endelea).

Katika kipindi cha takribani miaka nane (2015-2023), Kamishna Diwani amehudumu katika nyadhifa nne tofauti ambazo zikikuwa ni kupanda na kushuka kutoka kuwa Mkurugenzi wa Makosa ya Jinai (DCI), Katibu Tawala Mkoa wa Kagera (RAS), Mkurugenzi Mkuu wa Taasisi ya Kuzuia na Kupambana na Rushwa (TAKUKURU) hadi Mkurugenzi wa Idara ya Usalama wa Taifa (TISS), Katibu Mkuu Ikulu na sasa haijulikani atakwenda wapi juu au chini au atasalia ndani ya jeshi la Polisi.

Jina la Kamishna Diwani lilizidi kupata umaarufu 2015 baada ya aliyekuwa Rais wa Awamu ya Nne, Dk. Jakaya Kikwete, kumteua kuwa Mkurugenzi wa Makosa ya Jinai nchini (DCI), kabla ya uteuzi huo alikuwa Kaimu Kamishna wa Kamisheni ya Inteljensia ya Jinai.

          Soma zaidi:-

Kamishna Athumani aliendelea katika wadhifa huo mpaka kwenye Serikali ya Awamu ya Tano, hadi Novemba 2016, baada ya aliyekuwa Rais wa awamu hiyo, Hayati John Magufuli, kumng’oa na kumteua kuwa Katibu Tawala Mkoa wa Kagera.

Baada ya safari ya uongozi ya Kamishna Diwani kushuka, ilipanda tena Septemba 2018, baada ya Rais Magufuli kumteua kuwa Mkurugenzi Mkuu wa Taasisi ya Kuzuia na Kupambana na Rushwa (TAKUKURU).

Mwaka mmoja baadae, Septemba 2019, Hayati Magufuli alimteua Kamishna Diwani kuwa Mkurugenzi Mkuu wa Idara ya Usalama wa Taifa (TISS), akichukua nafasi ya Dk. Modestus Kipilimba.

Kamishna Diwani alihudumu katika wadhifa wa Ukurugenzi wa TISS kwa muda wa zaidi ya miaka miwili, tangu Septemba 2019 hadi Januari 2023.

Licha ya kuteuliwa kuwa Katibu Mkuu Ikulu, Kamishna Diwani hajafanikiwa kuhudumu kwenye wadhifa huo kutokana na uteuzi wake kutenguliwa kabla hajaapishwa, ikiwa zimepita siku mbili tangu kuteuliwa.

Mbali na nyadhifa hizo, Kamishna Diwani aliwahi kushika nyadhifa mbalimbali ndani ya Jeshi la Polisi kabla ya 2015, ikiwemo msaidizi binafsi wa aliyekuwa Inspekta Jenerali wa Polisi, IGP Omary Mahita na Kamanda wa Polisi Mkoa wa Mbeya.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Bunge labaini madudu mfumo ukusanyaji mapato, h’shauri tatu kikaangoni

Spread the love  KAMATI ya Kudumu ya Bunge ya Hesabu za Serikali...

Habari za Siasa

Mkuu wa wilaya ya Rungwe azindua vyumba sita vya madarasa vya thamani ya 64 mil

Spread the love  MKUU wa Wilaya ya Rungwe, Jaffar Haniu amezindua vyumba...

Habari za Siasa

Mbunge afurahia mabilioni ya Samia kutua jimboni

Spread the love  MBUNGE wa Igunga, Nicholas Ngassa ameishukuru Serikali kwa utekelezaji...

Habari za Siasa

PIC yaishauri Serikali kuanzisha mfuko wa uwekezaji kusaidia mashirika ya umma

Spread the love  KAMATI ya Kudumu ya Bunge ya Uwekezaji wa Mitaji...

error: Content is protected !!