Tuesday , 5 December 2023
Home Habari Mchanganyiko Ofisa Takukuru ‘feki’ abambwa kwa kujipatia Sh. 90,000
Habari Mchanganyiko

Ofisa Takukuru ‘feki’ abambwa kwa kujipatia Sh. 90,000

Pingu
Spread the love

JAFET Emmanuel, Mkazi wa Kilimahewa katika Manispaa ya Kigoma Ujiji, anashikiliwa na Taasisi ya Kuzuia na Kupambana na Rushwa (Takukuru), kwa kosa la kupata fedha kwa njia za udanganyifu. Anaripoti Mwandishi Wetu, Kigoma … (endelea).

Taarifa iliyotolewa leo Ijumaa tarehe 5 Juni 2020 na Nestory Gatahwa, Naibu Mkuu wa TAKUKURU mkoa wa Kigoma imesema Emmanuel alijifanya afisa wa Takukuru kisha kutumia cheo hicho cha kughushi, kuomba fedha baadhi ya wananchi, waliokuwa wanahitaji huduma kwenye taasisi hiyo.

Katika tukio la kwanza, Emmanuel anadaiwa kuomba rushwa ya Sh. 300,000 kutoka kwa mwananchi, aliyemuahidi anaweza kutengua maamuzi ya mahakama dhidi ya shauri la mgogoro wa shamba alilokuwa nalo.

“Katika kufanikisha nia yake ovu, mtuhumiwa amejipatia Sh. 90,000 kutoka kwa mwananchi, ikiwa ni sehemu ya fedha Sh. 300,000, ambazo mtuhumiwa alimweleza mwananchi huyo ni fedha kwa ajili ya kuwezesha kutenguliwa kwa maamuzi ya mahakama katika shauri alilokuwa nalo,” inaeleza taarifa ya Gatahwa.

Tukio la pili, Emmanuel anadaiwa kuomba rushwa ya Sh. 500,000 kutoka kwa mwananchi, ili amsaidie kupata kazi katika ofisi za Takukuru. Hata hivyo, mwananchi huyo hakutoa kiasi hicho cha fedha.

Gatahwa amesema uchunguzi dhidi ya mtuhumiwa huyo unaendelea na kwamba atafikishwa mahakamani mara baada ya uchunguzi na taratibu nyingine za kisheria kukamilika.

Leave a comment

Leave a Reply

Your email address will not be published. Required fields are marked *

Related Articles

Habari Mchanganyiko

TMA yaagizwa kutangaza mafanikio yao kikanda, kimataifa

Spread the love  KATIBU Mkuu Wizara ya Uchukuzi, Prof. Godius Kahyarara ameiagiza...

Habari Mchanganyiko

NMB yasaidia waathirika wa mafuriko, maporomoko Hanang

Spread the loveWaathirika wa maporomoko ya tope Wilayani Hanang, mkoani Manyara, waliopoteza...

Habari Mchanganyiko

TPF-NET Arusha yaonya jamii ya wafugaji zinazoendeleza ukatili wa watoto na wanawake

Spread the love  MTANDAO wa Polisi wanawake wa Arusha kuelekea siku 12...

Habari Mchanganyiko

Taasisi ya Mwalimu Nyerere, Greyhorse zasaini mkataba wa bil.7.4

Spread the loveTAASISI ya Mwalimu Nyerere (MNF) imesaini mkataba wa miaka 10...

error: Content is protected !!