Monday , 30 January 2023
Home Gazeti Habari Mchanganyiko NIDA watakiwa kuongeza ofisi za kutoa vitambulisho
Habari Mchanganyiko

NIDA watakiwa kuongeza ofisi za kutoa vitambulisho

Spread the love

MKUU wa mkoa wa Morogoro Dk. Kebwe Steven Kebwe ameiagiza ofisi ya Mamlaka ya Vitambulisho vya Taifa (NIDA) mkoa, kuongeza vituo vya  kutolea huduma katika wilaya zote ili kuwasaidia wananchi hasa waishio vijijini  kupata huduma hiyo kiurahisi. Anaripoti Christina Haule, Morogoro … (endelea).

Mkuu huyo wa mkoa alisema hayo jana wakati alipotembelea ofisi hizo kufuatia malalamiko yaliyotolewa kwake na wananchi juu ya kuchelewa kupata namba pamoja na vitambulisho jambo linaloleta athari za usajili wa laini za simu kwa jamii.

Alisema, licha ya zoezi hilo kuonekana likiendelea kufanywa lakini bado miezi minne tu kusitishwa kwa zoezi la usajili wa laini za simu kwa alama za vidole hapo mwezi Desemba mwaka huu, huku watu wengi wakiwa bado hawajapata.

Aidha aliitaka jamii kuwa na mwamko wa kuitumia nafasi iliyopo ya kwenda kupata huduma hiyo kwa wakati kwani kuchelewa kunaweza kuleta usumbufu baadae.

Naye John Msekwa mkazi wa Tungi alisema, serikali za mitaa zinatakiwa kuchukua nafasi yake kwa kuwatambua wakazi wa maeneo husika ili iwe rahisi kwao kupata vitambulisho bila kutegemea masharti yaliyopo.

“Nina miaka ya kuzaliwa zaidi ya 70 hapa, cheti nakipata wapi kwa sasa na nina mwezi wa sita natuafuta kitambulisho, kitambulisho changu cha kupigia kura  kimeharibika sana, kila ninapokwenda wanagoma kunisajilia laini,” alisema.

Akizungumzia hilo Afisa Usajili wa vitambulisho NIDA mkoani hapa, James Malimo alisema kuchelewa kwa upatikaji wa vitambuliso hivyo kwa baadhi ya wananchi kunatokana na wananchi wengi kushindwa kutimiza masharti yaliyowekwa na kwamba yapo maombi mbalimbali yamekwama kutokana na changamoto za wananchi kushindwa kuwasilisha vielelezo zaidi.

Hivyo aliwaasa wananchi kuhakikisha wanakamilisha masharti hayo ya vielelezo vya msingi na kuhakikisha wanavipata kwa wakati ili kuweza kukamilisha usajili na maombi yao yafanyiwe kazi kwani hawataweza kumsajili mtu bila kuwa na vielelezo ili kuepuka kuwasajili wasio watanzania.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Chongolo asikitishwa na mradi wa Mil 900 kutoanza kutoa manufaa

Spread the loveKATIBU mkuu wa Chama Cha Mapinduzi (CCM) Taifa Daniel Chongolo...

Habari Mchanganyiko

Huawei Tanzania yatajwa miongoni mwa waajiri bora kimataifa

Spread the loveKAMPUNI ya Huawei Tanzania imetajwa kuwa mwajiri bora nchini na...

Habari Mchanganyiko

Waziri wa uchumi wa Finland atua nchini, kuteta na mawaziri 7

Spread the loveWAZIRI wa Masuala ya Uchumi wa Finland, Mika Tapani Lintilä...

Habari Mchanganyiko

Asimilia 79 wafeli somo la hesabu matokeo kidato cha nne

Spread the loveWATAHINIWA wa shule 415,844 sawa na asilimia 79.92 ya watahiniwa...

error: Content is protected !!