Sunday , 19 May 2024
Home Gazeti Habari za Siasa NEC yazungumzia Magufuli, Lissu kukutana Kigoma
Habari za Siasa

NEC yazungumzia Magufuli, Lissu kukutana Kigoma

Spread the love

TUME ya Taifa ya Uchaguzi (NEC) nchini Tanzania imesema, kugongana kwa Tundu Lissu, Mgombea Urais wa Tanzania kupitia Chama cha Demokrasia na Maendeleo (Chadema) na Rais John Magufuli mkoani Kigoma, haiwezi kuathiri kampeni za Uchaguzi Mkuu wa tarehe 28 Oktoba 2020. Anaripoti Mwandishi Wetu…(endelea).

Leo tarehe 19 Septemba 2020 Rais Magufuli alikuwa na shughuli ya kiserikali mkoani humo, ambapo amefanya mazungumzo na Rais wa Burundi, Evariste Ndayishimiye huku Lissu akiendelea na kampeni zake mkoani humo.

Dk. Wilson Mahela, Mkurugenzi wa Uchaguzi NEC amesema, hakuna tatizo lolote kwa kuwa Rais Magufuli ataendelea na shughuli zake wakati Lissu akiendelea na kampeni katika maeneo aliyopangiwa.

“Walioko Kigoma watajua namna ya kushughulikia, sababu yule mwingine si ataenda kwenye kampeni yake kama amepangiwa uwanja huu atafanya na nadhania Buhigwe anaenda jioni.”

“Sijaona changamoto sababu yule anaendelea na shughuli zake na yule anaendelea na kampeni zake,” amesema Dk. Mahera.

Kuhusu wagombea kubadili ratiba za kampeni, Dk. Mahela amesema ni jambo la kawaida kwa mgombea kuomba kubadili ratiba ya kampeni, ambapo NEC huwaruhusu kwa kuwa katika hali yakibinadamu ratiba haiwezi kwenda kama ilivyopangwa.

“Huwezi kusema kila kitu ukipange kiende kama kilivyo, sisi sio roboti ni binadamu, kuna mambo yatajitokeza katikati lazima yashughulikiwe na yeye kama Rais ikijitokeza ana mgeni wake lazima amhudumie,” amesema Dk. Mahela na kuongeza.

Tundu Lissu, Mgombea Urais Tanzania kwa tiketi ya Chadema

“Wagombea kubadili ratiba huwa ni changamoto lakini inapotoeka unatakiwa kukaa inaweza jitokeza ghafla mfano jana CUF alikuwa Tabora akataka kwenda Sikonge tukamruhusu akaenda na leo mgombea makamu wa rais wa Chadema Salum Mwalimu alikuwa hana nafasi ya kwena Sikonge akaomba abadilishiwe ratiba tumeruhusu hivyo huwa inajitokeza huwezi kukwamisha mambo.”

Jana Ijumaa tarehe 18 Septemba 2020 Lissu alifanya kampeni mkoani Katavi na leo anafanya kampeni katika maeneo ya Ikola Center, Buhigwe, Manyovu, Kigoma Kaskazini, Mwandiga na atamalizia Kigoma Mjini katika Uwanja wa Mwanga Center.

Kwa mujibu wa ratiba ya kampeni ya wagombea urais na makamu wa rais ya NEC, Rais Magufuli ambaye ni Mgombea Urais wa Tanzania kupitia Chama Cha Mapinduzi (CCM) alikuwa afanye kampeni Uvinza kisha mkoani Tabora.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

CCM yamteua Pele kuwa mgombea ubunge Kwahani

Spread the loveKamati Kuu ya Halmashauri Kuu ya Chama Cha Mapinduzi (CCM)...

Habari MchanganyikoHabari za Siasa

Ujenzi kituo cha kupoza umeme Chalinze wafikia asilimia 93.7

Spread the loveKamati ya Kudumu ya Bunge ya Nishati na Madini imeeleza...

Habari MchanganyikoHabari za SiasaTangulizi

Wakili Mwabukusi anusurika kufungiwa, asema hatarudi nyuma

Spread the loveWAKILI Boniface Mwabukusi amesema kuwa hatorudi nyuma kuwatetea Watanzania na...

Habari MchanganyikoHabari za Siasa

RC Chongolo atangaza ‘vita’ kwa wanaovusha wageni kinyemela

Spread the loveKATIKA kulinda usalama wa nchi kupitia mpaka wa Songwe, Mkuu...

error: Content is protected !!