Friday , 3 February 2023
Home Gazeti Habari za Siasa NCCR-Mageuzi yajitosa kesi ya Mbowe, kutuma mawakili 5
Habari za Siasa

NCCR-Mageuzi yajitosa kesi ya Mbowe, kutuma mawakili 5

Spread the love

 

CHAMA cha upinzani nchini Tanzania cha NCCR-Mageuzi, kimesema kitatuma mawakili wake watano waandamizi wakiongozwa na Boniface Mwambukusi, katika kesi ya ugaidi inayomkabili Freeman Mbowe na wenzake watatu. Anaripoti Regina Mkonde, Dar es Salaam … (endelea).

Kauli hiyo imetolewa leo Ijumaa, tarehe 6 Agosti 2021 na Mwenyekiti wa NCCR-Mageuzi, James Mbatia, katika Mahakama ya Hakimu Mkazi Kisutu, Dar es Salaam alipokwenda kusikiliza kesi hiyo.

Mbatia amesema chama chake kitachukua hatua hiyo, ili kuhakikisha haki inatendeka kwa kuwa kesi hiyo ina maslahi ya Taifa katika uchumi, kisiasa na kijamii.

“Kwa sababu kesi hii ni ya kitaifa, ina maslahi ya kisiasa, kiuchumi, kijamii na kisheria, sisi tumeamua ili haki itendeke tutaweka mawakili kusaidiana na jopo la mawakili wa utetezi.”

Freeman Mbowe akiwa mahakamani Kisutu

“Mawakili wataongozwa na Boniface Mwambukusi na wenzake wanne ambao ni waandamizi, kwa ajili ya kusaidi katika kesi hii kuona haki inatendeka,” amesema Mbatia.

Mbali na Mbowe ambaye ni Kiongozi wa chama kikuu cha upinzani nchini humo cha Chadema, wengine ni Halfan Bwire Hassan, Adam Hassan Kasekwa na Mohammed Abdillah Lingwenya.

Mbowe na wenzake wamesomewa upya mashtaka matano ikiwemo kupanga njama za ugaidi, kufadhili vitendo hivyo na uhujumu uchumi.

Kesi hiyo imeahirishwa hadi tarehe 13 Agosti 2021.

Leave a comment

Leave a Reply

Your email address will not be published. Required fields are marked *

Related Articles

Habari za Siasa

Kamati ya Bunge yaitaka Serikali kuchunguza dawa za asili

Spread the love  KAMATI ya Kudumu ya Bunge ya Huduma na Maendeleo...

Habari za Siasa

Kada NCCR-Mageuzi aliyepotea aokotwa porini akiwa taabani, hajitambua

Spread the love  MWENYEKITI wa Jumuiya ya Vijana ya Chama cha NCCR-Mageuzi,...

Habari za Siasa

ACT Wazalendo yataka Jaji Mkuu, Jaji Biswalo wajiuzulu kupisha uchunguzi fedha za Plea Bargaining

Spread the love  CHAMA cha ACT-Wazalendo, kimemtaka Jaji wa Mkuu wa Tanzania,...

Habari za Siasa

Kigogo ACT-Wazalendo: Vyama vya upinzani vilikosea kumpokea Membe, Lowassa

Spread the love  KATIBU Mkuu wa Chama cha ACT-Wazalendo, Ado Shaibu, amesema...

error: Content is protected !!