Monday , 27 May 2024
Home Gazeti Habari za Siasa Muro wa NCCR-Mageuzi aahidi kuibadili Kinondoni
Habari za Siasa

Muro wa NCCR-Mageuzi aahidi kuibadili Kinondoni

Spread the love

MUSTAFA Muro, Mgombea Ubunge wa Kinondoni jijini Dar es Salaam kupitia NCCR-Mageuzi, ameahidi kuboresha maisha ya wananchi wa jimbo hilo, endapo watamchagua katika Uchaguzi Mkuu utakaofanyika Jumatano tarehe 28 Oktoba 2020. Anaripoti Regina Mkonde, Dar es Salaam … (endelea).

Pia, ameahidi kuwawesha wananchi kiuchumi kwa kuhakikisha wanapata mitaji na elimu ya biashara.

Muro ametoa ahadi hizo leo Alhamisi tarehe 10 Septemba 2020 katika uzinduzi wa kampeni zake Kata ya Mdugumbi-Magombeni. Uzinduzi huo umefanyaa na James Mbatia, Mwenyekiti wa NCCR-Mageuzi.

Amesema, akifanikiwa kuwa mbunge atahakikisha fedha za mikopo zinatolewa na Halmshauri zinawafikia walengwa bila ubaguzi, pamoja na kuwapatia watalaamu wa biashara na uchumi wananchi wanaofanya biashara ndogondogo ili wakuze mitani yao na kujikwamua kiuchumi.

“Kuna haki mbalimbali ya mikopo, mimi wakati nikiwa Diwani Kinondoni niliwapa mikopo watu wa aina zote, kuna watu walisema usiwape wale lakini sikuwasikiliza kwa kuwa unapokuwa kiongozi wa watu, unatakiwa  utumikie wote na uwe na uongozi shirikishi,” amesema Muro.

Muro alikuwa Diwani wa Kinondoni kupitia Chadema mwaka 2015-2020 kisha baada ya kunaliza muda wake akahamia NCCR-Mageuzi.

Wakati huo huo, Muro amesema akiwa mbunge, atahakikisha wananchi wake wanapata huduma bora za afya, hasa wazee ambao watapewa huduma hiyo bure kwa mujibu wa sera na sheria za nchi.

Pia, atahakikisha wanapata huduma ya maji safi na elimu.

Muro ameahidi kutatua changamoto za miundombinu ya barabara, mitaro ya kusafirishia maji taka na uchafu wa mazingira.

“Kinondoni kuna changamoto ya mitaro kuziba, nikiwa mbunge nitahakikisha naipanua mitaro, pamoja na kuboresha miundombinu ya barabara za mitaa. Pia, nitahakikisha taka zinazolewa kila mara ili kuondokana na mrundikano wa takataka,” amesema Muro.

Leave a comment

Leave a Reply

Your email address will not be published. Required fields are marked *

Related Articles

Habari MchanganyikoHabari za Siasa

Kasekenya aipa Tanroads wiki kukarabati barabara Morogoro

Spread the loveNaibu Waziri wa Ujenzi, Mhandisi Godfrey Kasekenya ametoa wiki moja...

Habari za SiasaTangulizi

‘Aliyemtonya’ Lissu kuhusu rushwa arejea madarakani

Spread the loveMwenyekiti wa zamani wa Chadema Mkoa wa Iringa, William Mungai...

Habari MchanganyikoHabari za Siasa

Rais Samia: Tutaendelea kupigania malengo ya afrika

Spread the loveRais wa Tanzania Samia Suluhu Hassan amesema dhamira ya Tanzania...

Habari MchanganyikoHabari za Siasa

NHC yadai bil. 2.1 taasisi za Serikali, Waziri atoa maagizo

Spread the loveKAMATI ya Kudumu ya Bunge ya Ardhi, Maliasili na Utalii...

error: Content is protected !!