Mtoto wa Gadafi aachiwa huru, atimkia Uturuki

MTOTO wa tatu wa kiongozi wa zamani wa Libya, Muammar Gaddafi, Al-Saadi Gaddafi (48) ameachiwa huru kutoka gerezani alikokuwa ameshikiliwa kwa miaka saba huko Tripoli nchini Libya. Inaripoti Mitandao ya Kimataifa … (endelea).

Mwendesha mashtaka wa Serikali, Abdul Hamid Dbeibeh amesema wizara ya sheria ya nchi hiyo haina nia ya kuendelea kumshikilia Saadi hasa ikizingatiwa kuwa mahakama iliyokuwa inasikiliza kesi yake ilishathibitisha kuwa hana hatia.

Jana Jumapili tarehe 5 Septemba, 2021, Serikali ya Libya ilitoa taarifa ya kuachiwa kwake kutaweza kulisaidia taifa hilo kufikia katika makubaliano.

Saadi aliyekuwa Kamanda wa Kikosi malumu cha Libya, aliwekwa korokoroni tangu mwaka 2014 kutokana na tuhuma za utakatishaji fedha kipindi akiwa Rais Shirikisho la Kandanda kipindi cha uongozi wa baba yake.

Saadi ambaye pia alikuwa mchezaji maarufu wa soka, enzi zake alicheza kandanda katika timu mbalimbali nchini Italia pamoja na timu yake ya Taifa.

Baada ya baba yake kupinduliwa mwaka 2011, Saadi alikimbilia nchini Niger lakini mwaka 2014 alirejeshwa Libya ambako alikutwa hana hatia ya baadhi ya kesi mauaji iliyokuwa inamkabili isipokuwa kesi nhiyo ya utakatishaji fehda.

Hata hivyo, baada ya kuachiwa huru inaelezwa kuwa Saadi ametokomea nchini Uturuki.