Wednesday , 21 February 2024
Home Kitengo Maisha Afya Mtangazaji maarufu afa kwa corona
Afya

Mtangazaji maarufu afa kwa corona

Spread the love

ZORORO Makamba (30), mtangazaji maarufu wa vipindi vya televisheni nchini Zimbabwe, amefariki dunia kwa ugonjwa wa corona (COVID-19). Inaripoti mitandao ya kimataifa…(endelea).

Makamba aliyefariki jana tarehe 23 Machi 2020, amekuwa mtu wa kwanza kufariki kwa corona nchini humo, ambapo alikuwa miongoni mwa wawili wa kwanza waliopimwa na kubainika kuwashambuliwa na virusi hivyo.

Alipelekwa katika Hospitali Kuu ya Harare, baada ya kuzidiwa na mafua huku dalili mbalimbali za ugonjwa huo zikiendelea kudhihiri.

Imeelezwa, Makamba alipata virusi hivyo alipokuwa New York nchini Marekani. Baada ya kufika Zimbabwe na kufanyiwa vipimo, alitengwa na kuwekwa katika jengo pekee la Wilkins lililopo katika hospitali hiyo ya Harare, lililowekwa maalumu kwa wanaobainika kuwa na virusi hivyo.

Rafiki wa karibu wa Makamba akizungumza na kituo cha habari cha CNN amesema, rafiki yake baada ya kurejea alikuwa akisumbuliwa na mafua makali, homa za mara kwa mara pamoja na mwili kuchoka.

Monica Mutsvangwa, Waziri wa Habari wa Zimbabwe amesema amepokea taarifa za kifo cha Makamba kwa masikitiko “nimeshtushwa sana na kifo hicho.”

Taarifa iliyotolewa na Obadiah Moyo, Waziri wa Afya wa Zimbambwe imeeleza, Makamba alisafiri kwenda New York tarehe 29 February 2020 na kurejea Harare, Zimbabwe tarehe 9 Machi 2020. Alianza kuona mabadiliko ya afya yake siku chache baada ya kurejea.

Emmerson Mnangagwa, Rais wa Zimbabwe tayari ametangaza kufunga mipaka yote ya nchi hiyo isipokuwa kwa raia wa nchi hiyo wanaorejea nyumbani na magari ya mizigo.

Pia amepiga marufuku mikusanyo ya watu zaidi ya 50 na kufunga baa, klabu za usiku, majumba ya mazoezi (gyms) na maeneo ya kuogelea kutokana na tishio la corona.

Leave a comment

Leave a Reply

Your email address will not be published. Required fields are marked *

Related Articles

AfyaTangulizi

Wanawake walalamikia ukubwa kondomu za kike, waomba zipunguzwe

Spread the loveWataalamu wa afya wilayani Ileje mkoani Songwe wameagizwa kuanza kutoa...

AfyaHabari Mchanganyiko

Madaktari wazawa watenganisha watoto mapacha walioungana

Spread the loveHospitali ya Taifa Muhimbili kwa mara nyingine imeandika historia kwa...

Afya

DC Mpanda aagiza maji ya visima yapimwe kudhibiti kipindupindu

Spread the loveMkuu wa Wilaya ya Mpanda, Jamila Yusuf ameziagiza mamlaka za...

AfyaHabari Mchanganyiko

Kisa mitihani kuvuja, watahiniwa 1,330 wa uuguzi, ukunga wafutiwa matokeo

Spread the loveWizara ya Afya imefuta matokeo yote ya mtihani wa usajili...

error: Content is protected !!